تروریزم، قاچاقچی‌لیق و نیظامسیز گؤچ تورکیه مرزلرینده یئنی تدبیرلر گؤرمه‌یه مجبور ائتدی

تروریزم، قاچاقچی‌لیق و نیظامسیز گؤچ تورکیه مرزلرینده یئنی تدبیرلر گؤرمه‌یه مجبور ائتدی.

بو چرچیوه‌ده تورکیه-ایران مرزینده تیکینتی‌سینه 8 آی اوّل باشلانیلان دیوار تیکینتی‌سی‌نین یاری‌سی تاماملانیب.

آغری و ایغدیردا تیکینتی‌سی داوام ائدن مودولر مرز امنیتی دیواریندا ژاندارم گوجلری‌نین باش قوموتانی، اوردو ژنرا‌لی عاریف چتین ایله بیرلیکده آراشدیرما‌لاردا اولان ایچ ایشلر ناظیری سولیمان سویلو، دیوارین ژوئیه-آوقوست آییندا تاماملاناجاغینی سؤیله‌ییب.

144  کیلومترلیک بیر مرز دیواری تیکمه‌یه احتیاجی یاراندی. بونون سببی ترورلا موباریزه، قاچاقچی‌لیقلا موباریزه و نیظام‌سیز گؤچله موباریزه. 8 آیدا یوزده 50 سینی بیتیرمیش وضعیتدییک. /./، آرداحان‌دا دا گورجوستان و ارمنیستان مرزینده ده باشقا متودلا بونا نایل اولماغا چالیشاجاغیق. 1-2 آی ایچری‌سینده بونا تخمینن بیر آددیم آتاجاغیق الکترون سیستمی دؤوره‌یه سوخان یئنی مودئل اورتایا قویماغا چالیشیریق.

سولیمان سویلو، ترورچولار طرفین‌دن 21 آوقوست 1993ده 18 عسگرین شهید ائدیلدیگی کیچیک آغری داغی اتگین‌دکی سولطانتوپ پولیس مرکزینی ده زیارت ائدیب.

شهیدلر اوچون دعا ائدن سویلو، داها سونرا کوبرا-2 واسطه‌نی آراشدیردی و عسگرلرله یئمک یئدی.