تورکیه ایسرائیل-ه سرت رئاکسیا گؤستردی

تورکیه، قودسون بعضی بؤلگه‌لری‌نین حاکمیتی‌نین بوراخیلماسی اوچون 80 میللت وکیلی‌نین تصدیقینی مجبور حالا گتیرن قانون لاییحهسینین ایسرائیل پارلامنتینده قبول ائدیلمه سینه سرت رئاکسیا گوستردی.

خاریجی ایشلر ناظرلیگی بیلدیریب کی، قودسون بعضی بؤلگه‌لری‌نین حاکمیتی‌نین بوراخیلماسی اوچون 80 میللت وکیلی‌نین تصدیقینی مجبور حالا گتیرن و بؤلگه‌نی آییران دیوارین دیگر طرفین‌دکی فیلیسطین‌لی بعضی محله‌‌لرین ایسرائیل-ین حاکمیتینده آیری بیر بلدیه کیمی قبول ائدیلمه‌سینی مومکون حالا گتیرن قانون لاییحه‌سی‌نین ایسرایل پارلامنتینده قبول ائدیلمه‌سی تهلوکه‌لی‌دیر و ایسرائیل-ین آتدیغی بو آدیم‌لار قبول ائدیلمیر.

ناظیرلیگین آچیقلاماسیندا قئید ائدیلیر کی، ایسرائیل-ین آتدیغی بو غیری -قانونی آدیم‌لار 2017-جی ایل دسامبرین 13-ده کئچیریلن ایسلام امکداش‌لیق تشکیلاتی‌نین فوق العاده ایجلاسی‌نین نهایی بیلدیریشی ایله 10/19 نؤمره‌لی بمت باش مجلیسی‌نین قرارینا ضیددیر.