اردوغان: گئچمیشده ایچ ایچه اولموش اؤلکهییک
"بیزیم تورکیه اولاراق هئچ بیر قونشو اؤلکهنین توپراق بوتؤولویو مسئلهسینده هر هانسی بیر گؤزوموز یوخدور"
دؤولت باشقانی رجب طیب اردوغان، تورکیه و یونانیستانین، ایکیلی ایلیشکیلره مثبت جهتدن باخماسی گرکدیگینی سؤیلهدی.
اردوغان، آتن سفرینده یونانیستان باشباخانی آلکسیس چیپراس ایله باشباخانلیقدا بیر آرایا گلدی.
دانیشماسیندا، ایکی اؤلکهنین بیرلیکده ائدهبیلهجیی چوخ شئیلر اولدوغونو وورغولایان اردوغان،
"بارداغین بوش طرفینی بیر کنارا قویوب دولو طرفینه اودوقلانمالییق. مذاکیرهلریمیزی اونون اوزرینه بینا ائتمهلیییک. اصلینده خالقلاریمیزین بیر بیری ایله اورتاق یانلاری چوخ. یئتر کی، ایدئولوژیک ساپلانتیسی اولانلاری بیر کنارا قویاق. بیزیم تورکیه اولاراق هئچ بیر قونشو اؤلکهنین توپراق بوتؤولویو مسئلهسینده هر هانسی بیر گؤزوموز یوخدور".
اردوغان،
"بیز گئچمیشده ایچ ایچه اولموش اؤلکهییک. بورادا (یونانیستاندا) سویداشلاریمیز وار، بیز ده سویداشلارینیز وار. کاش گئچمیشدهکی بعضی یانلیشلار اولدوغونا گؤره، بیر قیسیم روم وطنداشلاریمیز دا اؤلکهمیزدن چیخماسایدی. یانلیشلاری آرتیق تاریخه بوراخیریق. گلهجیی داها ساغلام زمینده اینشا ائتمهلیییک. بونون اوچون ائدهبیلهجییمیز چوخ شئی وار. اگر، حقیقتا، سؤیلم بیرلیگینی یارادابیلسک، اورتاق عاغیل یارادابیلسک، بونلاری حل ائدریک" دئدی.
اردوغان، یونانیستان خالقینا شخصی و تورک خالقی آدیندان تشکرلرینی بیلدیردی.
یونانیستان باشباخانی چیپراس دا تورکیه-آوروپا بیرلیگی آراسیندا۱۸ مارس ۲۰۱۶داکی کؤچمن آنلاشماسینا توخوناراق
"تورکیه، تعهدلارینی یئرینه یئتیرهرک و اژه دنیزینده کؤچمن آخینینی آزالداراق آنلاشمایا باغلیلیغینی گؤستردی" دئدی.
چیپراس،
"تورکیه پرزیدنتی طرفیندن، اون ایللر سونرا ایلک دفعه اولاراق گرچکلشدیریلن بو سفرین، ایرلییه دوغرو جسارتلی آددیملار آتماغیمیز اوچون اؤنملی بیر فورصت اولدوغونا اینانیرام" دئدی.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"