اردوغان - پوتین گؤروشمهسینه دایر آچیقلاما
کرملین خاریجی سیاست مشاویری یوری اوشاکوو، تورک و روس لیدئرلرین گلهجک هفته سوچیده گرچکلشدیرجگی گؤروشمهده آنا گوندم مادهسینی آچیقلادی
روسیا دؤولت باشقانلیغی سارایی کرملیندن، پوتین-اردوغان گؤروشمهسینه دایر آچیقلاما گلدی.
کرملین خاریجی سیاست مشاویری یوری اوشاکوو، تورک و روس لیدئرلرین گلهجک هفته سوچیده گرچکلشدیرجگی گؤروشمهده سوریه بحرانینین آنا گوندم مادهسی اولاجاغینی بیلدیردی،
"سوریه خالقلاری کنگرهسینه قارشی حاضرلیقلارین دا گؤروشمهده مذاکیره اولونماسی گؤزلنیلیر" دئدی.
اوشاکوو، باشکند موسکووادا قازئتهچیلره وئردیگی آچیقلامادا، جمهورباشقانی رجب طیب اردوغان و روسیا پرزیدنتی ولادیمیر پوتین آراسیندا 13 نوامبردا سوچیده باش توتاجاق گؤروشمه ایله باغلی دانیشدی.
24 نوامبر 2015دهکی بحران (روس اوچاغینین تورک اف 16لاری طرفیندن دوشورولمهسی) اؤنجهسی سویهیه قاییدان و اؤنملی بیر سرعت قازانان روسیا-تورکیه ایلیشکیلرینین اطرافلی مذاکیره اولوناجاغینی بیلدیرن یوری اوشاکوو، "گؤروشلرین اساس گوندم مادهسی ایسه سوریه بحرانینین حلینه دایر مسئلهلر اولاجاق" دئیه دانیشدی.
اوشاکوو، سوچی شهرینده "سوریه خالقلاری کنگرهسی" آدی آلتیندا گئچیریلمهسی پلانلاشدیریلان گؤروشمه ایله باغلی حاضرلیقلارین دا محتمل مسئلهلر سیراسیندا اولدوغونو دئدی.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی