اردوغان: تورکیه اؤنوموزدکی عصری یئنیدن فورمالاشدیراجاق بیر تشکیلاتلانما ایچینده
اردوغان، پارتیسینین تورکیه بؤیوک میللت مجلیسی (تورکیه بؤیوک میللت مجلیسینین) قروپ توپلانتیسیندا دانیشدی
پرزیدنت و عدالت و قالخینما پارتیسینین صدری (آک پارتی) رجب طیب اردوغان، تورکیهنین اؤنوموزدکی عصری یئنیدن فورمالاشدیراجاق بیر تشکیلاتلانما ایچینده اولدوغونو دئدی.
اردوغان، پارتیسینین تورکیه بؤیوک میللت مجلیسی (تورکیه بؤیوک میللت مجلیسینین) قروپ توپلانتیسیندا دانیشدی.
چیخیشیندا تورکیهنین هر ساحهده اینکیشاف ائتدیگینی قید ائدن اردوغان،
"بؤلگهمیزدکی و دونیاداکی پروسهلر قارشیمیزداکی عصری یئنیدن فورمالاشدیراجاق بیر تشکیلاتلانما ایچینده اولدوغوموزو گؤستریر. بوتون پروسهلرین بیزی ماراقلاندیران اؤلچولری واردیر. بیز بونلاری نظره آلاراق ایشیمیزی آپاریریق" دئدی.
تورکیه اورتایا قویولان پروژهلرده اؤزونه وئریلن رولو قبول ائتمک یئرینه اؤز ایرادهسینی اورتایا قویدوغونو وورغولایان اردوغان، میللتین ده گوجلو تورکیه ایرادهسینه دستک وئردیگینی بیلدیریب.
تورکیهنین توتدوغو یریومهنین، ترور تشکیلاتلارینین گئرچک اوزلرینی اورتایا چیخاران بیر تورنوسول کاغیذی فونکسیونو گؤردوگونو ده ایفاده ائدن اردوغان،
"بؤلوچو ترور تشکیلاتی پ.ک.ک تکجه پ.ک.ک دئییل. بو تشکیلات اصلینده خاریجی گوجلرین ایستیفاده ائتدیگی بیر آپاراتدیر. داعش، ایسلاملا علاقهسی اولمایان، علی قانلی قاتیللردن عبارت اولان بیر سورودور" دئدی.
تورکیهنین غرب اؤلکهلری طرفیندن اوزلشدیگی ریاکار داورانیشلارا دا دئغینن اردوغان، تورکیه اوزرینده اوینانان اویونلاری پوزدوقلارینی دئییب.
چیخیشیندا اوکتوبرین 30-ده آچیلان باکی-تیلیفس-قارص دمیر یولو خطینین تورکیه، بؤلگه و دونیا اوچون خیرلره وسیله اولماسینی دیلهین اردوغان، نوبتی ایلین، توریزم باخیمیندان چوخ یاخشی بیر ایل اولاجاغینی دئییب.
اردوغان، باشلادیقلاری یئرلی ماشین اورهتیمی پروژهسینین تورکیه اوچون آددیمین لوکوموتیوی اولاجاغینی وورغولاییب.
ایخراج و ایدخالا گتیردیکلری تعویضلره توخونان اردوغان،
"گؤمروک و تیجارت ناظیرلیگیمیز دونن اعتباریله ایدخال و ایخراجاتچیلارا آسانلیق تامین ائدهجک تطبیق ائتمگی ایشه سالدی. آرتیق محصوللار جیب تلفونوندان تعقیب ائدیلهجک. گؤمروکلرده یئنی سیستم هر شئیین شفاف سرعتلی و اوجوز ایزلنمهسینه ایمکان وئریر. معلوم رقمین اوزرینده ایخراج ائدن فیرمالارا مصلحت خیدمتی وئریلهجک" ایفادهلرینی ایستیفاده ائتدی.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی