یونانیستان رجب طیب اردوغانی قارشیلاماغا حاضیرلاشیر
سفر حیاتا کئچرسه، اردوغان 65 ایلدن سونرا یونانیستانا گلن ایلک تورکیه پرزیدنتی اولاجاق.
جمهور باشقانی رجب طیب اردوغانین دقیق تاریخی هله معین اولونمامیش آتن سفری ایندیدن یونانیستاندا گوندمین ایلک مسئلهلریندن بیری اولدو.
سفر حیاتا کئچرسه، اردوغان 65 ایلدن سونرا یونانیستانا گلن ایلک تورکیه پرزیدنتی اولاجاق.
قئید ائدک کی، آتن-ه سون دفعه 1952-جی ایلده او دؤورون پرزیدنتی جلال بایار سفر ائتمیشدی. بو ایلین ژوئن آییندا دا باش ناظیر بینالی ییلدیریمین آتن-ه سفر ائدیب.
یونانیستان پرزیدنتی پاولوپولوس قارا دنیز اقتصادی امکداشلیق تشکیلاتینین 25-جی ایلدؤنومو موناسیبتیله مایین 22-ده ایستانبولدا کئچیریلن توپلانتیا قاتیلاراق، تورکیه-یه سفر ائدن ایلک یونانیستان پرزیدنتی اولدو.
1952 -جی ایلده کرال پاولوس و خانیمی کرالیچا فریدریکی تورکیهیه سفر ائتمیشدیلر.
پاولوپولوس 2015-جی ایلین مارتیندا پرزیدنت سئچیلن زامان اونو تبریک ائدن ایلک خاریجی لیدئر اردوغان اولدو.
فتح الله چی ترور تشکیلاتینین 15 ژوئن 2016-جی ایل دؤولت چئوریلیشی جهدینده ایسه پرزیدنت اردوغانا زنگ ائدهرک هم رای لیگینی دیله گتیرن ایلک خاریجی لیدئرلردن بیری پاولوپولوس اولموشدو.
پاولوپولوس تورکیهده آنایاسا دییشیکلیگی اوچون 16 آوریلده کئچیریلن رفرندومدان سونرا دا تورکیه پرزیدنتینی تبریک ائدن ایلک خاریجی لیدئرلردن بیری اولدو.
هفته سونوندا یونان مطبوعاتی اردوغانین تاریخی هله تعیین اولونمامیش آتن سفریندن یازدی.
مئدیادا اردوغان ایله پاولوپولوسون دوستلوق موقاویلهسی، و یا پروتکل ایمضالایا بیلهجکلری بارهده یازیلار درج اولوندو.