تورکیه‌دن آمریکایا ویزا یاساغی
قرار، آمریکا رهبرلیگی‌نین، تورکیه‌ده‌کی بوتون آمریکا دیپلوماتیک میسیونلارینداکی کؤچمن اولمایان ویزا خیدمت‌لرینی آسقییا آلدیغینی آچیقلاماسینا قارشیلیق اولا‌راق آلیندی
تورکیه‌نین واشینگتون ائلچیلیگی، آمریکاداکی بوتون تورک میسیونلاریندان، آمریکا وطنداش‌لارینا قارشی ویزا ایشلم‌لری‌نینآسقییا آلیندیغینی آچیقلادی. آمریکاداکی تورک دیپلوماتیک میسیونو طرفین‌دن قونویلا ایلگیلی وئریلن آچیقلامادا بو ایفاده‌لره یئر وئریلدی:
"سون زامان‌لار باش وئرن حادثه‌لر، تورک حکومتینی، آمریکا حکومتی‌نین تورک میسیون‌لاری‌نین تاسیس‌لری‌نین و چالیشان‌لاری‌نین گوونلیگینه دایر تعهد‌لارینی یئنی‌دن دگرلن‌دیرمک مجبوریتینده قویموش‌دور. بو دگرلندیرمه پروسه‌سینده، آمریکاداکی ائلچیلیگیمیزه و باش‌کونسوللوقلاریمیزا گلن زیارتچی سایینی ان آزا ائندیرمک آماجی ایله، بو آندان اعتباراً گئچرلی اولماق اوزره، آمریکاداکی بوتون میسیونلاریمیزداکی آمریکا وطنداش‌لارینا قارشی ویزا ایشلم‌لری آسقییا آلینمیش‌دیر."
قرار، آمریکا رهبرلیگی‌نین، تورکیه‌ده‌کی بوتون آمریکا دیپلوماتیک میسیونلارینداکی کؤچمن اولمایان ویزا خیدمت‌لرینی آسقییا آلدیغینی آچیقلاماسینا قارشیلیق اولا‌راق آلیندی.
گلیشمه‌لر، آمریکانین ایستانبول باش کونسوللوغو چالیشانی متین توپوزون، فتح‌الله‌چی ترور هؤرگوتو فئتو سوروشدورماسی داخیلینده، 'آنایاسال دوزه‌نی اورتا‌دان قالدیرماغا تشبث'، 'جاسوسلوق' و 'تورکیه جمهوریتی حکومتینی اورتا‌دان قالدیرماغا تشبث' سوچلاریندان توتوقلانماسی اوزرینه یاشاندی.
