جمهور باشقانی اردوغان ایسپانیا کرا‌لینا باش ساغلیغی وئردی

جمهور باشقانی رجب طیب اردوغان بارسلونادا تؤردیلن ترور هوجومو ایله علاقه دار ایسپانیا کرا‌لی آلتینجی فیلیپه باش ساغلیغی مکتوبو گوندردی. 

جمهور باشقانلیغی منبع لریندن آلینان معلوماتا گوره، جمهور باشقانی اردوغان خاین ترور هوجومونو قینادیغی مئساژیندا، ترور هوجوموندا چوخلو سایدا گوناهسیز اینسانین حیاتینی ایتیردیگیندن و یارالانماسیندان درین کدرلندیگینی ایفاده ائدیب.

جمهور باشقانی، اؤلنلرین عائله لرینه و یاخین لارینا باش ساغلیغی وئریب، یارالانانلارین و خسارت آلانلارین تئزلیکله ساغالماسینی آرزو ائدیب.

 "بوتون بشریتین اورتاق دیرلرینه یؤنلدیلمیش اولان بو هوجوم‌لاری قطعی شکیلده پیسلییرم"،- دئیه جمهور باشقانی قئید ائدیب.

رجب طیب اردوغان تورکیه‌نین دوست ایسپانیا خالقی‌نین کدرینی بؤلوشدوگونو و موتتفیق ایسپانیا ایله بو چتین گونونده تام هم رای اولدوغونو وورغولادی.  

جمهور باشقاین مکتوبوندا کرال آلتینجی فیلیپ باشدا اولماقلا بوتون ایسپانیا خالقینا باش ساغلیغی وئردی.