"تورکیه‌نین سرحدده عسگر ییغماسین‌دان قایغی‌لی می سینیز؟"

آمریکا، تورکیه‌نین، بؤلوجو ترور هؤرگوتو پ‌کاکا حاقیندا "حاق‌لی قایغی‌لارینی آنلادیق‌لارینی" بیلدیردی.

آمریکا خاریجی ایشلر باخانلیگی سؤزچوسو هیتر ناورت، گونده‌لیک مطبوعات کنفرانسیندا گوندمه باغلی دانیشدی.

"تورکیه‌نین گونئی سرحدلرینه عسگر ییغماسین‌دان قایغی‌لی می سینیز؟" شکلین‌دکی سوا‌لی جاوابلایان ناورت، تورکیه‌نین اؤنم‌لی بیر ناتو متفقی اولدوغونا وورغو ائتدی. ناورت، بئله داوام ائتدی:

"آمریکا، تورکیه‌نین قایغی‌لارینی جدی قبول ائتمکده‌دیر و اردوغان حکومتی ایله رابطه حالینداییق. تورکیه‌نین پ‌کاکا حاقیندا حاق‌لی قایغی‌لاری وار و بیز بونو آنلاییریق. بؤلگه‌سل قایغی‌لاری وار. پ‌کاکا بیر ترور هؤرگوتودور و ائتدیگی سالدیری‌لاری قیناییریق."