جمهور باشقانی اردوغان سربرنیتسا قتل عامی‌نین 22-جی ایلدؤنومونو یاد ائتدی
جمهور باشقانی رجب طیب اردوغان سربرنیتسا قتل عامی کیمی اینسان‌لیق‌دان کنار حادثه‌لرین بیر داها تکرارلانماماسی اوچون قتل عاما گؤره مسئولیت داشییان هر کسین لاییق اولدوغو جزانی آلما‌لیدی اولدوغونو بیلدیردی.
جمهور باشقانی پرزیدنتی رجب طیب اردوغان سربرنیتسا قتل عامی‌نین 22-جی ایلدؤنومونو بؤیوک بیر حزن و کدرله یاد ائتدیگینی بیلدیردی. جمهور باشقانی بو نؤع اینسان‌لیق‌دان کنار حادثه‌لرین بیر داها تکرارلانماماسی اوچون قتل عاما گؤره مسئولیت داشییان هر کسین لاییق اولدوغو جزانی آلما‌لیدی اولدوغونو بیلدیردی.
اردوغان:"بو موناسیبتله، سون دؤور بشر تاریخی‌نین ان اوتانج وئریجی حادثه‌لرین‌دن بیری اولان بو قتل عامدا حیاتینی ایتیرن عزیز شهیدلریمیزه الله‌دان رحمت، یاخین‌لارینا و بوتون بوسنیا خالقینا صبر دیلییرم"دئدی.
تورکیه پرزیدنتی: "سربرنیتسا سوی قیریمیندا قادین-کیشی، گنج-یاش‌لی دئمه‌دن 8 مین 372 گوناه‌سیز اینسانی قتله یئتیرن‌لرله یاناشی، اونا‌لارا سیغینان وطنداش‌لاری ان اساس اینسان‌لیق دیرلرینی آیاق‌لار آلتینا آتا‌راق علی قانلی قاتیل‌لره تسلیم ائدن قورخاق‌لار دا حساب وئرمه‌لی‌دیرلر. عینی کوچه، شهری و اؤلکه‌نی بؤلوشن اینسان‌لاری بیر-بیرینه دوشمن ائدن عرقچی، ایسلاموفوبی و ائتنیک نیفرتی قیزیش‌دیران ایدئولوژی لرین گئنیشلنمه‌سی‌نین قارشی‌سی آلینما‌لی‌دیر. سربرنیتسادا باش وئرن سوی قیریمی اونوتدورماغا، و یا اینکار ائتمه‌یه یؤنلمیش جهدلره ده هئچ واخت یول وریلمه‌مه‌لی‌دیر. بوسنیا و هرزگوین خالقی‌نین کئچمیشده شاهیدی اولدوق‌لاری بو آغری-آجییا، عدالت‌سیزلییه، قانونسوزلوغا باخمایا‌راق، قونشولاری ایله باریش و امین-آمان‌لیق شرایطینده یاشاماق اوچون گؤستردیگی فداکار سعی‌لر حقیقتن تقدیرلاییق‌دیر. بوسنی و هرزگوین-ین ائتنیک و مدنی زنگین‌لیگی‌نین محافظه‌سی‌نین باریشا کؤلگه سالماغا چالیشان‌لارا وئریلن ان یاخشی جاواب اولدوغونو دوشونوروک. اولوسلار آراسی توپلوم بوسنی ه هرزگوین-ین موستقیل‌لیگینی، اراضی بوتؤو‌لوگونو و اگمه منلیگینی سوموت آددیم‌لارلا دستکلمه‌یه، عینی زاماندا، اؤلکه‌نین آوروپا و آورواتلانتیک قوروم‌لاری ایله بوتون لشمه سعی‌لری‌نین رئاللاشدماسینی تامین ائتمه‌یه دعوت ائدیریک".
ایلگیلی‌لی خبرلر
هاکان فیدان، آنتونی بلینکن ایله تلفوندا دانیشیب
الده ائدیلن معلوماتا گؤره، گؤروشده غزه‌ده‌کی سون حادثه‌لر و اوکراینداکی وضعیت موذاکیره ائدیلیب
پ‌کاکا‌لی ۱۲ تروریست ضررسیزلشدیریلدی
"بؤلگه‌ده تک بیر تروریست قالمایینجایا قدر سۆره‌کلی عملیاتلارا داوام ائدجییک"
