فیکری ایشیق: تورکیه‌ ساوونما صنایعسینده آرتیق اؤزونه یئترلی بیر اؤلکه

تورکیه میللی ساوونما ناظیری فیکری ایشیق، تورکیه‌نین ساوونما صنایعسینده آرتیق اؤزونه یئترلی بیر اؤلکه حالینا گلدیگینی سؤیله‌دی.

فیکری ایشیق فرانسانین باشکندی پاریس‌ده هاواچی‌لیق و کوسموس سرگی‌سینه قاتیلدی.

ایشیق، پاریس‌ده یئرلی اوره‌‌تیم هاوا واسطه‌لری‌نین تانیدیلدیغی سرگی‌نین آردین‌دان تورک جمعیتی نماینده‌لری ایفطار یئمگینده گؤروشدو.

ایشیق، ساوونما صنایعسینده تورکیه‌نین ائتدیگی دیرچلیشین بیزه اؤزونه اینام قازاندیردیغینی وورغولادی.

ناظیر ایشیق، یئرلی ساوونما صنایعسینی اینکیشاف ائتدیرمه‌نین تورکیه‌نین سیاسی اؤنجه‌لیگی اولدوغونو و تورکیه‌نین ائتدیگی دیرچلیشین بیزه بو ساحه‌ده اؤزونه اینام قازاندیردیغینی سؤیله‌دی.

ایشیق؛

"اؤز اینکیشاف ائتدیردیگیمیز سیلاح‌لاری، سیستم‌لری بوتون دونیانین بینمه‌سینه تقدیم ائتمک گؤزل بیر شئی. اما آرتیق دونیانین ان اهمیت‌لی شیرکت‌لری‌نین 'بیز تورکیه ایله بیرلیکده اوره‌تمک ایستییریک ایفاده‌سی،' بو دا آیری بیر گؤزل‌لیک" ایفاده‌لرینی ایستیفاده ائتدی.

ناظیر ایشیق، پاریس‌ین، تورکیه‌نین آوروپایا هم سیاسی، هم ده مدنی علاقه‌لری باخیمین‌دان اهمیتلی یئری اولدوغونا دا ایشاره ائتدی.