جمهور باشقانی اردوغانین " RTP " کانالی ایله موصاحیبهسی
جمهورباشقانی رجب طیب اردوغان آمریکا-نین سوریه-نین رقه شهرینی ترور تشکیلاتی داعش-دن تمیزلمک اوچون باشقا بیر ترور تشکیلاتی ی.پ.گ ایله امکداشلیق ائتمهسینه بیر داها رئاکسیا گؤستردی.
جمهورباشقانی رجب طیب اردوغان آمریکا-نین سوریه-نین رقه شهرینی ترور تشکیلاتی داعش-دن تمیزلمک اوچون باشقا بیر ترور تشکیلاتی ی.پ.گ ایله امکداشلیق ائتمهسینه بیر داها رئاکسیا گؤستردی.
جمهور باشقانی اردوغان پرتغال-ین " RTP "کانالینا موصاحیبهسینده دئدی کی، آمریکا عسگرلری ترور تشکیلاتی پ.کا.کا-نین سوریه-ده کی قولو اولان ی.پ.گ ایله بیرلیکده حرکت ائدیر. آمریکا بو ترور تشکیلاتینا آغیر سلاحلار بئله وئریر.
اردوغان کئچن آی امریکایا سفری زامانی ترامپا ائتدیگی خبردارلیقلارا باخمایاراق آمریکا-نین رقه عملیاتینی پ.ی.د/پ.کا.کا ایله رئاللاشدیرماقدا ایسرار ائتدیگینی سؤیلهدی.
اردوغان دئدی کی، اگر اؤلکهمیزه ان کیچیک بیر تجاووز اولسا بیز هئچ کسه مراجعت ائتمهدن، هئچ کسله دانیشمادان لازیم اولان جاوابی وئرریک.
تورکیه-آوروپا بیرلیگی علاقهلرینه ده توخونان اردوغان تورکیهنین 54 ایل کئچمهسینه باخمایاراق هله ده آوروپا قاپیسیندا گؤزلهدیلدیگینی، عضولویه قبول ائدیلمهدیگینی دیله گتیردی.
جمهورباشقانی اردوغان سوریه بحرانینین حلی ایستیقامتینده تورکیه-روسیا-ایران اولاراق اوچ طرفلی مکانیزمین ایشلرینی داوام ائتدیردیگینی و آمریکا سعودی عربیستانینین دا پروسئسه داخیل اولمالارینی آرزو ائتدیکلرینی سؤیلهدی.
اردوغان سوریه و عراق بحرانینین حلی نقطهسینده ایرانین دا نفوذونون اولدوغونو ایفاده ائدهرک، ایرانین بو ایکی اؤلکهیه رئژیم و مذهب یاخینلیغینین اولدوغونو ایفاده ائتدی.
اردوغان ترور تشکیلاتلارینین آدینین ایسلاملا بیر یئرده چکیلمهسیندن دویدوغو ناراحاتلیغی دا دیله گتیرهرک بیلدیردی کی، بیز بیر مسلمان اولاراق ترورون هر نوونه قارشیییق. ترورون هر نوونا قارشی اولان صمیمی بیر مسلمانین آدینین تروریستلر ایله بیر یئرده چکیلمهسینی قبول ائتمیریک. مثال اوچون سون زامانلاردا آوروپادا و یا فرقلی یئرلرده ایسلامی ترور ایفادهسی ایستیفاده ائدیلیر. قطعیت ایله بئله بیر شئی قبول ائده بیلمریک. هئچ کسین بئله بیر ایفادهدن ایستیفاده ائتمهیه حاقی دا یوخدور. چونکی ایسلام سؤز اساسیندا، معنا اساسیندا بیر باریش دینیدیر. بیز خریستیانا ترور دئیه بیلیریک می؟ دئمیریک. سماوی دینلرین هئچ بیرینه بئله بیر شئی بیز بو گونه قدر یاراشدیرمامیشیق، یاراشدیرماریق دا.
قطر و بعضی عرب اؤلکهلری آراسینداکی بحرانا ده توخونان اردوغان وورغولادی کی، قطره ایجرا ائدیلنلر دوزگون دئییلدیر. مسلمان مسلمانا هله بیر ده رمضان آییندا بئله بیر تحریم تطبیق ائتمهمهلیدیر. بیز ایستییریک کی، بایراما قدر دیالوگ یولو ایله حل ائدیلسین. اومید ائدیرم کی، سعودی عربیستانی بو مسئلهده اؤز گوجونو اورتایا قویسون.
جمهور باشقانی اردوغان فتح الله چی ترور تشکیلاتی پارالئل دؤولت یاپیلانماسینین (فتو/پ.د.ی) 15 ژوئیه ده کی چئوریلیش جهدیندن سونرا غرب اؤلکهلرینین تورکیهدکی قانونی پروسئسله باغلی تنقیدلرینه ده توخوناراق، تورکیهیه حؤرمتسیزلیک ائدیلدیگینی سؤیلهدی.
15 ژوئن گئجهسی اردوداکی فتو طرفدارلارینین حربچی دونا گیرهرک چئوریلیشه جهد ائتدیگینی خاطیرلادان اردوغان دئدی کی، او چئوریلیش جهدیندن سونرا تورکیه ایله علاقه ساخلاییب اؤلکهدکی بو چئوریلیش جهدینه گؤره کدرلرینی بیزه بیلدیرمهینلرین تورکیهنی تنقید ائتمهلرینی قبول ائتمهیگمیز غیری-مومکوندور.
چئوریلیشه جهد ائدن عسگرلرین چوخونون یونانیستان و آلمانیادا اولدوغونا دقت چکن اردوغان اونو دا دئدی کی، حتی بو آندا ناتو-دا اولوب دا تأسف کی، اورایا سیغینانلار وار. بونو نه ایله ایضاح ائدجییک؟
حاضیردا 10-دان آرتیق چئوریلیشه جهد ائدن عسگرین یونانیستاندا اولدوغونو وورغولایان اردوغان بیلدیردی کی، بو اؤلکه تروریستی نه اوچون قورویور؟ اونلاری اؤلکهمیزه تحویل وئرمهلیدیر.
فتونون عمومیلیکده پولیسین، محکمهنین، دؤولتین بوتون موسیسهلرینین ایچینه سیزدیغینی وورغولایان اردوغان دئدی کی، حاضیردا فوق العاده وضعیت رئژیمی ایله بیز بونون حسابینی سوروشوروق و بیز بو تمیزلیک عملیاتینی داوام ائتدیرجییک. بونون اوچون ده بیر یئرلردن ایجازه آلمایاجاغیق.
فتونون قولدورباشینی آمریکا-دان ایستهدیکلرینی آنجاق هله مثبت بیر جاواب آلمادیقلارینی خاطیرلادان اردوغان بیلدیردی کی، قولدورباشی آمریکا-دا اونون خیدمتینه وئریلمیش یا دا ساتیلمیش اراضیده یاشاییر. قولدورباشینین " charter school "لاردا الده ائتدیگی پول ان آز ایلده 750 میلیون دولاردیر. بو حقیقتلر اورتادادیر. بئله بیر آدامی ایستییریک، آمریکا بیزه هله "محکمهنین ایشینه موداخیله ائده بیلمریک" دئییر. بیزه یارغی دئینلر قوسورا باخماسینلار، اونلار دا بیزیم محکمهمیزه حؤرمت ائتسینلر.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی