اردوغان: ایسلام دوشمن‌لیگی آوروپا ایچینده یاییقینلیق قازاندی
پرزیدنت اردوغان، "9 می آوروپا گونو" موناسیبتیله مساژ یایینلادی
پرزیدنت رجب طیب اردوغان، ایسلام دوشمن‌لیگی‌نین آوروپا ایچینده یاییقینلیق قازاندیغینی ایفاده ائتدی.
پرزیدنت اردوغان، "9 می آوروپا گونو" موناسیبتیله مساژ یایینلادی.
اردوغان مساژیندا،
"آیری-سئچکی‌لیک، مدنی عرقچی‌لیک، خاریجی علیهدارلیغی و ایسلام دوشمن‌لیگی کیمی اجتماعی خسته‌لیک‌لر، تأسف کی، قاره ایچینده یاییقینلیق قازانیر. گئده‌رک سس فایزلرینی آرتیران و سیاستده حل ائدیجی موقعیته چاتان آشیری ساغ پارتی‌لر، آوروپانین اجتماعی-سیاسی حیاتینی اسیر گؤتورور. بیرلیگین قوروجو دگرلرینی و آوروپانین اورتاق گله‌جگینی تهدید ائدن بو آخین‌لارا قارشی بیر چوخ آوروپا‌لی سیاستچی‌نین، قیسا مدت‌لی حساب‌لار آدینا سس‌سیز و اعتراض‌سیز قالدیغینی گؤروروک. "دئدی.
تورکیه‌نین، آوروپا بیرلیگی عضولوک پروسه‌سینی داوام ائتدیرمه آرزوسوندا اولدوغونو بیل‌دیرن اردوغان، بون‌لاری قید ائتدی:
"تاریخی، جوغرافی و مدنی اولا‌راق عصرلردیر آوروپانین بیر پارچاسی اولان اؤلکه‌میز، ایستراتژی هدف اولا‌راق گؤردوگو آوروپا بیرلیگی عضولوک پروسه‌سینی، قارشی‌لیق‌لی حؤرمت، برابرلیک و قازان-قازان آنلاییشی چرچیوه‌سینده داوام ائتدیرمک آرزوسوندا‌دیر. مهاجیر بحرانی‌نین ذیروه نقطه‌سینه چاتدیغی دؤورده آورپا بیرلیگی ایله اینکیشاف ائتدیردیگیمیز امکداش‌لیق، بو آنلاییشین ان کونکرت و آکتوال نومونه‌سی‌دیر."
ایلگیلی‌لی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی
