تورکیه 'سویقیریم' قرارینی شدتله قینادی
چکیا جمهورباشقانی میلوس زمانین "1915 حادثهلری" قونوسوندا اؤلکهسیندکی ارمنی جماعتینی مخاطب آلان و اؤنملی توتارسیزلیقلار ایچرن مکتوبونون دا اوزونتو ایله قارشیلاندیغی ایفاده ائدیلدی
تورکیه، "1915 حادثهلری" قونوسوندا چکیا (چک جمهوریتی) نمایندهلر مجلسینده 25 آوریلده آلینان 'سویقیریم' قرارینی 'شدتله' قینادی و رد ائتدی.
خاریجی ایشلر باخانلیغیندان وئریلن یازیلی آچیقلامادا، چکیا جمهورباشقانی میلوس زمانین "1915 حادثهلری" قونوسوندا اؤلکهسیندکی ارمنی جماعتینی مخاطب آلان و اؤنملی توتارسیزلیقلار ایچرن مکتوبونون دا اوزونتو ایله قارشیلاندیغی ایفاده ائدیلدی.
آچیقلامادا،
"پرزیدنت زمان، مکتوبوندا، بیر طرفدن تاریخین سیاستچیلر طرفیندن یوروملانماسی لازیم اولدوغونو، سیاستچیلرین تاریخی حادثهلری سیاسی چیخارلاری یولوندا ایستیفاده ائتدیکلرینی ایفاده ائدیب، گئچمیشین اؤنجه تاریخچیلر طرفیندن آراشدیریلماسی و یوروملانماسی لازیم اولدوغونو وورغولارکن، دیگر طرفدن اؤز سؤزلریله ضدیته دوشهرک 1915 حادثهلرینه باغلی سیاسی دگرلندیرمهلر وئرمکدهدیر" ایفادهلرینه یئر وئریلدی.
آچیقلامادا، "تاریخی گئرچکلره و حقوق پرینسیپلرینه آچیقجا ضد اولان سؤز قونوسو سیاسی تصروفلارا باغلی تپکینین" چکیانین آنکارا بؤیوک ائلچیسینه بیلدیریلدیگی ایفاده ائدیلدی.