آوروپا شوراسی پارلامنتلر مجلیسینین، قرارینا آنکارا، آغیر اعتراض ائتدی
عمر چلیک،" آوروپا شوراسی پارلامنتلر مجلیسی دموکراسییه و اینسان حقوقلارینا صاحب چیخمالییدی. تورکیه ایله همرایلیک سئرگیلملیدی" دئدی
آوروپا شوراسی پارلامنتلر مجلیسینین، تورکیهنی سیاسی یوخلامایا آلما قرارینا آنکارا، آغیر اعتراض ائتدی.
خاریجی ایشلر ناظیرلیگی،
"آوروپا شوراسی پارلامنتلر مجلیسی عمومی قورولوندا، ایزلنیلمهسی لازیم اولان مسکون اصوللارین خاریجینده سیاسی سببلرله آلینان بو حاقسیز قراری شدتله قیناییریق." دئدی.
باخانلیقدان ائدیلن آچیقلامادا،
"یوخلاما قراری تورکیهنین (فتح الله جی ترور تشکیلاتینین 15 ژوئیه) کودتا گیریشیمی سونراسیندا آوروپا شوراسی ایله فاصیلهسیز ایجرا ائتدیگی قورولوشچو امکداشلیغی دا گؤزاردی ائتمیشدیر." دئییلدی.
"دیشلاییجی قرار، سیاسی بیر عملیاتدیر. قرار فتو کیمی ترور تشکیلاتلارینا خیدمت ائدیر" دئین خاریجی ایشلر ناظیرلیگی همین قرارین آوروپا بیرلیگینین بصیرتسیزلیغیندن گؤستردیگینی وورغولادی.
آچیقلامادا،
"تورکیه آوروپا شوراسی پارلامنتلر مجلیسیده بو قراری آلان پارلامنت اوّلجه عقلی سلیمه، سونرا پرنسیپلی بیر موضع منیمسهیهرک دونیانین اورتاق بلاسی اولان ترور تهدیدیله موباریزه ائتمک اوچون مشترک تدبیرلر گؤرمهیه، یوکسهلن خاریجی دوشمنلیگی، عرقچیلیک و ایسلاموفوبیا پروبلملریله صمیمی شکیلده موباریزه ائتمهیه، مهاجیرت و کؤچ رهبرلیگی موضوعلاریندا اینسان حاقلارینی گودن مسئول بیر دوروش سرگیلمهیه دعوت ائدیر. "دئییلدی.
آچیقلامادا، آوروپا شوراسی پارلامنتلر مجلیسینین بو حاقسیز، سیاسی و یانلی قرارینا باخمایاراق، تورکیهنین دموکراتیک ایستانداردلارا، اینسان حقوقلارینا و بو ساحهدکی بین الخالق مسئولیتلرینه باغلیلیغیندان گذشت وئرمهدن، وطنداشلارینین حقوق و آزادلیقلارینی اینکیشاف ائتدیرمه موضوعسونداکی ایشینده داوام ائتدیرجگی وورغولانیب.
آوروپا بیرلیگی ناظیری و باش مذاکره جی عمر چلیک ده، آوروپا شوراسی پارلامنتلر مجلیسینین، عدالتلی اولمایان، حاقسیز و سهو بیر قرار آلدیغینی سؤیلهدی.
بونون آوروپا شوراسی و آوروپا شوراسی پارلامنتلر مجلیسی اوچون تاریخی بیر سهو اولدوغونو ایفاده ائدن چلیک، قرارلا تورکیه حقیقتینین بیر علاقهسی اولمادیغینی ایفاده ائتدی.
عمر چلیک،
" آوروپا شوراسی پارلامنتلر مجلیسی دموکراسییه و اینسان حقوقلارینا صاحب چیخمالییدی. تورکیه ایله همرایلیک سئرگیلملیدی" دئدی.
"عدالتلی اولمایان بیر داورانیش سرگیلهدیلر" فیکیرینی دیله گتیرن چلیک،
"محاجیرلره قارشی بوتون دونیانین ائده بیلمدیگینی ائدن بیر اؤلکهیه یوکسک سسله تشککور ائدیلمهلی" دئیه دانیشدی.
آوروپا شوراسی پارلامنتلر مجلیسینین قرارینا بیر اعتراض دا پرزیدنت باش موشاویری بولنت گئدیکلینین گلدی.
بولنت گئدیکلی،
"بو بیر سیاسی عملیاتدیر. اصل یوخلامایا احتیاجی اولان آوروپا بیرلیگی (آب) اؤلکهلری" دئدی.
آوروپا شوراسی پارلامنتلر مجلیسیدکی 'تورکیهده دموکراتیک ایدارهلرین ایشلییشی موضوعلو ایجلاسین سونونداکی سسوئرمهده، تورکیهنین 2004-جی ایلده چیخدیغی یوخلاما پروسهسینه گئری دؤنمهسینی نظرده توتان پروژه قبول اولونوب.
بئلهجه تورکیه، 1996-جی ایلده گیردیگی و 2004-جو ایلده چیخدیغی سیاسی یوخلاما پروسهسینه یئنیدن آلیندی.
آیریجا تورکیه، یوخلاما مدتیندن چیخاریلیب بو پروسهیه داها سونرا یئنیدن داخیل ائدیلن ایلک آوروپا اؤلکهسی اولدو.
قرار، 45-ه قارشی 113 سسله قبول ائدیلدی، 12 پارلامنت ایسه بیطرف قالدی.
آوروپا شوراسی پارلامنتلر مجلیسیده اله آلینان راپورا دایر آوروپا شوراسی پارلامنتلر مجلیسی تورک دلگاسیونو باشقانی و عدالت و قالخینما پارتیسی آدانا میللت وکیلی طالب کوچوکجانین قلمه آلدیغی اعتراض بیلدیریشلرینده، راپور و قرار لاییحهسینین سهولرله دولو اولدوغو، تورکیهیه قارشی آیری-سئچکیلیک بیر یاناشمانین سرگیلندیگی و لاییحهنین قبولو حالیندا آوروپا شوراسی پارلامنتلر مجلیسینین تورک توپلومو نظرینده دگرینی ایتیرهجگی وورغولاندی.
آوروپا شوراسی پارلامنتلر مجلیسینین تورکیهنین ترورا قارشی موباریزهسینده یانیندا اولماسی لازیم اولدوغونو یازان کوچوکجان، اؤلکه اولاراق فتح اللاه جی ترور تشکیلاتی، پ.ک.ک و داعش باشدا اولماق عذره سایسیز ترور تشکیلاتییلا موباریزه ائدیلدیگینی و گتیریلن تطبیقلرین بو تهدیدلره قارشی اولدوغونو ایفاده ائتدی.
ایلگیلیلی خبرلر
بو ایلین اولیندن تورکیه-نی دؤرد میلیونادک توریست زیارت ائدیب
بو بارهده تورکیه-نین مدنیت و توریزم ناظیری محمت نوری ارسوی بیلدیریب.