طیب اردوغان، ولادیمیر پوتین ایله تلفوندا گؤروشدو

تورکیه پرزیدنتی طیب اردوغان، روسیا دولت باشقانی ولادیمیر پوتین ایله تلفوندا گؤروشدو.

پرزیدنت قایناقلاریندان‌ الده ائدیلن معلوماتا گؤره، گؤروشمه‌ده باشدا سوریه‌دکی سون اینکیشاف‌لار اولماقلا، بین الخالق مسئله‌لر و ایکیطرف‌لی ایلیشکیلر مذاکیره ائدیلیب.

گؤروشمه‌ده ایکی لیدر، آستانا مکانیزمی‌نین و ژنو دانیشیق‌لاری‌نین داوامی باخیمین‌دان تورکیه و روسیانین بیرگه تلاشی خرجلمه‌سی‌نین اهمیتینه دقتی چکدی.

آتشکسین سوریه عمومیتینه یاییلماسی ایؤنوندکی اورتاق ایشلرین داوام ائتدیریلمه‌سی‌نین اهمیتینه توخونولان گؤروشمه‌ده، ایدلیبدی وطنداش‌لاری هدف آلان شیمیایی سالدیری دا گوندمه گلدی.

پرزیدنت اردوغان، شیمیایی سیلاح ایستیفاده‌سی‌نین اینسانلیغا قارشی ایشلنن بؤیوک بیر جینایت اولدوغونو وورغولادی.

ایکی لیدر، سؤز موضوعسو سالدیری‌نین، موستقیل و حکومتی تانینمیش بیر تشکیلات اولان شیمیایی سیلاح‌لارین قاداغانلانماسی تشکیلاتی طرفین‌دن سوروشدورولماسینی دستکلدیک‌لرینی ایفاده ائتدی.

گؤروشمه‌ده ایکی اؤلکه آراسین‌داکی علاقه‌لری نورمال‌لاش‌دیرماق تلاش‌لاری‌نین سورعتلندیریلمه‌سی لازیم اولدوغونا ده توخونولوب.

ایقتیصادی و تیجاری علاقه‌لرین اینکیشاف ائتدیریلمه‌سی‌نین اؤنون‌دکی بوتون مانع‌لرین و محدودیت‌لرین قالدیریلماسی‌نین اهمیتینه ایشاره ائدن ایکی لیدر، ایره‌لیله‌ین مدتده یاخین تماس ایچینده اولما موضوعسوندا دا راضی قالدی.