آمریکا خاریجی ایشلر باخانی تورکیهیه گلیر
رکس تیلرسون، آنکارادا پرزیدنت رجب طیب اردوغان و باشقا یئتکیلیلرله بیر آرایا گلهجک
آمریکا خاریجی ایشلر باخانی رکس تیلرسون جمعه آخشامی گونو تورکیهیه گلیر.
رکس تیلرسون، آنکارادا پرزیدنت رجب طیب اردوغان و باشقا یئتکیلیلرله بیر آرایا گلهجک.
آمریکا خاریجی ایشلر باخانلیغی، تیلرسونون تورکیه سفرینده (ترور هؤرگوتو داعش ایله مباریزه چرچیوهسینده) سوریهنین رقه شهرینه عملیات و عملیات سونراسینین اله آلیناجاغینی آچیقلادی.
رقهنین ثابتلییه قاووشدورولماسی قونوسونون دا گوندمه گلهجیی ایفاده ائدیلن آچیقلامادا، سوریهده بوندان سونرا آتیلاجاق آددیملاری تورکیه ایله مذاکیره ائدهجکلری ده قید ائدیلدی.
آچیقلامادا، (تورکیهنین بؤلوجو ترور هؤرگوتو پکاکانین سوریه قولو) ی.پ.گنین باغلی اولدوغو سوریه دموکراتیک گوجلری ایله ایلگیلی حساسیتلرینه دقت ائدیلدیگی و گؤروشمهده بو قونونون دا اله آلیناجاغی بیلدیریلدی.
تیلرسونون سفری سیراسیندا آنکارانین فتحاللهچی ترور هؤرگوتو باشی فتحالله گولنین قایتاریلماسی مسئلهسینی گوندمه گتیرمهسی گؤزلنیلیر.
آمریکا خاریجی ایشلر باخانلیغی بو قونودا تیلرسونون جاواب وئرمهیه حاضر اولدوغونو دا آچیقلادی.
رکس تیلرسون، آنکارا سفریندن بیر گون سونرا ناتو ییغینجاغینا قاتیلماق اوزره بلژیکین باشکندی بروکسله گئدهجک.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی