چاووش اوغلو سیگمار گابریل ایله گؤروشدو

خاریجی ایشلر ناظیری مولوت چاووش اوغلو، بعضی تورک ناظیرلرین میتینگ‌لرینده لغو ائده‌رک گرگین‌لیک یارا‌دان آلمانیادا، همکاری سیگمار گابریل ایله بیر آرایا گلدی.

باشکند برلین‌ده رئال‌لاشان گؤروشمه‌دن سونرا بیر مطبوعات کونفرانسی تشکیل ائدن چاووش اوغلو،

"گابریل یاخشی دوشونجه‌لرینی و آرزولارینی، آلمانیانین گؤزلمه‌لرینی صمیمی بیر شکیلده سؤیله‌دی. دوستوم گابریل‌ین تورکیه‌ده بو یاز تعطیلینده آغیرلایاجاغیق." دئدی.

چاووش اوغلو، گابریلین، سون 1 ایلده آلمانیادا یاشایان تورک توپلومونا یؤنلیک سیستماتیک تضییق‌دن ناراحات‌لیق دویولدوغونو و تورک توپلومونون دا چوخ تاثیرلندیگینی، اساساً بونون آلمانیانین گؤچمن سیاستینه ده ضدیت تشکیل ائتدیگینی سؤیله‌دیگینی ایفاده ائتدی.

بعضی تررور تشکیلاتی منسوب‌لاری‌نین آلمانیادا تاپیلماسین‌دان دویولان ناراحات‌لیغی دا گؤروشمه‌ده ایفاده ائتدیگینی ایفاده ائدن چاووش اوغلو، "بو ایلان‌لار سیزی ده سوخار، چونکی بون‌لار اینسانلیغین دوشمنی" ایفاده‌لرینی ایستیفاده ائتدی.

آلمانیا‌داکی سیستماتیک تورکیه علیهدارلیغی‌نین سونلاندیریلماسی لازیم اولدوغونو دا وورغولایان مولود چاووش اوغلو ؛.

"اما آلمانیا دا سئچیمینی ائدر: آلمانیا قرارینی وئرمه‌لی؛ دوست مو اولاجاغیق بیر-بیریمیزدن قوپا‌جاقمیییک؟" دئیه سوروشدو.

تورک سیاستچی‌لرین، آلمان سیاستینه قاریشماق اوچون دئییل، ساده بیر شکیلده (آلمانیادا یاشایان تورک) سئچیجی‌لره، هر سئچیمده اولدوغو کیمی 16 آوریل رفراندوموندا دا اؤزلرینی ایفاده ائتمک اوچون آلمانیایا گئتمک ایستدیک‌لرینی ایفاده ائدن خاریجی ایشلر ناظیری؛

"چونکی فرض ائدیریک کی آلمانیا دموکراتیک بیر اؤلکه" دئیه دانیشدی.

1.5  ساعت داوام ائدن تک به تک گؤروشمه‌دن سونرا بیر آچیقلاما وئرن آلمانیا خاریجی ایشلر ناظیری گابریل ایسه، علاقه‌لرین چتین بیر مدت‌دن کئچدیگینی ایفاده ائده‌رک؛

"فرقلی‌لیک‌لریمیزه باخمایا‌راق تورکیه ایله دیالوق‌دان باشقا بیر آلترناتیفیمیز یوخ" دئدی.

گابریل،

"آلمان-تورک علاقه‌لری‌نین باشاریسینی اونوتمامالیییق. هم آلمانیا، هم ده تورکیه علاقه‌لرین نورمالا دؤنمه‌سینی ایستییر" ایفاده‌لرینی ایستیفاده ائتدی