"ایران، تورکیهنی تنقید ائتمک یئرینه تقدیر ائتمهلی"
ابراهیم قالین: 600 مین اینسانین قتل ائدیلمهسیله ایلگیلی بیر حکومتله ایش توتماق نه قدر مشروعدور؟
جمهورباشقانلیغی سؤزچوسو ابراهیم قالین، ایرانین، تورکیهنی تنقید ائتمک یئرینه تقدیر ائتمهسی لازیم اولدوغونو سؤیلهدی.
جمهورباشقانلیغی ساراییندا بیر مطبوعات کنفرانسی تشکیل ائدن قالین، گوندمی دگرلندیردی.
ایرانین تورکیهنین اؤنملی بیر قونشوسو اولدوغونو ایفاده ائدن قالین، بو اؤلکه ایله هم ایکیلی ایلیشکیلرده، هم بؤلگهسل پروبلئملرده هر زامان دیالوگدا اولوندوغونو سؤیلهدی.
ابراهیم قالین؛
"آنجاق ایرانین نفوذ الده ائتمه چالیشمالارینی گؤرممزلیکدن گلمیریک. اورایا (سوریه) رژیمین دعوتی ایله گئتدیک سؤزونون بیزیم اوچون هئچ بیر گئچرلیلیگی یوخدور. هانسی رژیمله ایش توتاراق ایران بونو ادعا ائدیر، بونون محاسبهسینی ائتمهسی لازیمدیر. 600 مین اینسانین قتل ائدیلمهسیله ایلگیلی بیر حکومتله ایش توتماق نه قدر مشروعدور؟ بیزی تنقید ائتمک یئرینه تبریک ائتمهلیدیرلر" دئیه دانیشدی.
تورکیهنین ترور هؤرگوتو داعشله مباریزهسینین دقیق اولدوغونو وورغولایان ابراهیم قالین،
"بونو تقدیر ائتمک یئرینه زامان زامان تورکیهیه دؤنوک هئچ دقته آلمادیغیمیز تنقیدلر گلیر. دؤولت آدینا دانیشارکن معلوماتلارلا و جدیلیکله دانیشاجاقسان. بیز اؤز میلی تهلوکسیزلیگیمیز، بؤلگه و سوریه خالقینین گلهجیی اوچون چوخ جدی مباریزه وئریریک" دئدی.
اوباما رهبرلیگینین تورک-آمریکان ایلیشکیلرینده ترور هؤرگوتلری پ.ی.د و فئتو کیمی ایکی پروبلئمی بوراخاراق گئتدیگینی بیلدیرن قالین، بونلاری حل ائتمک اوچون یئنی رهبرلیکله دانیشیقلارین داوام ائتدیگینی ده بیلدیردی. ابراهیم قالین، ایکی اؤلکه لیدئرلرینین می آییندا ائدیلهجک ناتو توپلانتیسیندا بیر آرایاگلمهسی اوچون ده پلانلامالار داوام ائتدیگینی آچیقلادی.
ابراهیم قالین، قیبریس مذاکرهلری ایله ایلگیلی اولاراق ایسه "آددیم آتماسی لازیم اولان روم طرفیدیر" دئدی.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"