جمهور باشقانی اردوغانا " شیخ عیسی بن سلمان آل خلیفه" میدالی تقدیم ائدیلدی

جمهور باشقانی رجب طیب اردوغان کؤرفز اؤلکه‌لرینه ائتدیگی سفر چرچیوه‌سینده بوگون سعودی عربیستانی-نین پایتاختی ریاض-دا اولا‌جاق.

جمهور باشقانی اردوغان سعودی عربیستان کرالی ملک سلمان ایله یاناشی، ولیعهد پرنس محمد بن نائف و ولیعهد وکیلی محمد بن سلمان ایله ده گؤروشه‌جک.

سفر چرچیوه‌سینده ایکی اؤلکه آراسیندا موختلیف ساحه‌لرده ایش بیرلیگی موقاویله‌لری‌نین ایمضالانماسی نظرده توتولور.

سعودی عربیستانین‌دان قطر-ه گئده‌جک اردوغان قطر امیری شیخ تمیم بن حمد آلثانی ایله بیر آرایا گله‌جک.

جمهور باشقانی دونن ده کؤرفز اؤلکه‌لرینه سفری‌نین ایلک دایاناجاغی بحرین-ده گؤروش‌لر کئچیردی.

اردوغان بوردا کرا‌ل حامد بن عیسی ال خلیفه طرفین‌دن ساکیر سارایندا قارشیلاندی. اردوغانی بعضی ناظیرلر ایله یاناشی باش قرارگاه رئیسی ژنرال خلوصی آکار و تورکیه کشفیات ایداره سی نین صدری حاکان فیدان دا مشایعت ائتدی.

باش-باشا گؤروش‌دن سونرا اردوغانا " شیخ عیسی بن سلمان آل خلیفه" میدالی تقدیم ائدیلدی.

 جمهورباشقانی اردوغان مراسم زامانی دئدی کی، بو میدا‌لی هم تورکیه و بحرین دوولتلری هم ده تورک و بحرین خالق‌لاری‌نین قارداش‌لیغی‌نین رمزی کیمی قبول ائدیرم. حضرت محمد حدیث لردن بیرینده "مسلمان‌لار بیر بینانین کرپیج‌لری کیمی‌دیر" بویوروب. انشاء الله اورتاق سعی لریمیز ایله تورکیه-بحرین قارداش‌لیغی گوجلنمه‌یه، موختلیف ساحه‌لرده کؤک سالماغا داوام ائده‌جک‌دیر. بؤلگه‌میزین ثابت‌لیگی، رفاهی و گله جگی اوچون امکداشلیغیمیزی داوام ائتدیره جگیمیزه اینانیرام.

بحرین کرا‌لی دا چیخیشیندا دئدی کی، ایکی اؤلکه آراسینداکی دوستلوق علاقه‌لری بو زیارتله داها دا گوجلندی.

بحرین ایله تورکیه آراسیندا تحصیل، مدافعه و انرژی ساحه‌لرینده موقاویله‌لرله یاناشی تورکیه وطنداش‌لارینا ویزا تطبیق ائدیلممه‌سینه دایر سازیش ده ایمضالاندی.