اتیوپی پرزیدنتی ویرتو، پرزیدنت اردوغانین دعوتی ایله آنکارایا گلدی

تورکیه پرزیدنتی رجب طیب اردوغان، فتح الله‌چی ترور تشکیلاتی پارالل دولت یاپیلانماسی (فتو / پ.د.ی)'نین اتیوپی‌دکی مکتب‌لری‌نین معاریف وقفینه دئور ائدیله‌جگینی آچیقلایان اتیوپی پرزیدنتی مولاتو تشومه ویرتو-یا، فتونون جانی اوزونو گؤردوگو اوچون تشککور ائتدی.

اتیوپی پرزیدنتی ویرتو، پرزیدنت اردوغانین دعوتی ایله آنکارایا گلدی.

ویرتو، فتونون 15 ژوئیه کودتا گیریشیمینده اف-16 اوچاقلاری طرفین‌دن بومبا‌لانان و زیان گؤرن تورکیه بؤیوک میللت مجلیسینی زیارت ائده‌رک قرنفیل بوراخدی.

تورکیه‌نی چوخ یاخین‌دان تانییان، 7 ایل بویونجا اتیوپی‌نین آنکارا سفیرلیگی وظیفه‌سینی ایجرا ائدن و 2013 پرزیدنت سئچیلن ویرتو، مجلیس باشقانی معاوینی احمد آیدین ایله ده گؤروشدو.

تورکیه-اتیوپی ایلیشکی‌لری‌نین چوخ اسکی‌لره سؤیکندیگینی ایفاده ائدن احمد آیدین، ایکی اؤلکه‌نین 1896‌دان یعنی 2-جی عبدالحمید دؤورون‌دن بری محهکم دیالوق حالیندا اولدوغونو وورغولادی.

چانکایا کؤشکونده باش ناظیر بینا‌لی ییل‌دیریم ایله ده گؤروشن ویرتو، آردین‌دان پرزیدنت کوللیه‌سینده پرزیدنتی اردوغان طرفین‌دن قارشیلاندی.

ایکی لیدر گؤروشمه‌ده، اولوسلار آراسی موضوعلاری و ایکیطرف‌لی علاقه‌لری قیمتلندیردی و آردین‌دان مطبوعات کونفرانسینا کئچیلدی.

اتیوپی‌ده فتو مکتب‌لری‌نین باغلانیلاجاغینی پایلاشان همکارینا تشککور ائدن اردوغان؛

"اتیوپی، فتونون جانی اوزونو، اینسان‌لیق اوچون تشکیل ائتدیگی بؤیوک تهدیدی گؤرن دوست‌لاریمیزدان‌دیر. بو موضوعدا ال بیرلیگی ایچینده لازیم اولان آددیم‌لاری آتیریق. یالنیز اتیوپی‌دن دئییل، فتو اورونو، سیرایت ائتدیگی دیگر بؤلگه اؤلکه‌لرین‌دن ده تمیزلمه موضوعسوندا قرارلیییق چونکی بو بیر اوردور ". دئدی.

اتیوپی پرزیدنتی ویرتو دا، 15 ژوئیه‌ده لیدرلیگینده اؤتورو پرزیدنتی اردوغانی تبریک ائتدی و تورکیه‌نین آفریقادا داها چوخ وارلیق گؤسترمه‌سینی ایسته‌دی.

مجلیس‌دن کئچدیک‌دن سونرا خالق اویلاماسینا تقدیم ائدیلمه‌سی اوچون پرزیدنت تصدیقینی گؤزله‌ین آنایاسا دییشیک‌لیگی ایله باغلی اولا‌راق دا اردوغان، موسوم شرط‌لری اعتباریله قیمتلندیرمه‌لر ائتدیک‌لرینی، تصدیق اوچون بو هفته ایچری‌سینده قرار وئره‌‌بیله‌جگینی سؤیله‌دی.