اردوغان، ترامپ ایله ایلک رسمی گؤروشمه‌سینی گرچکلشدیردی

آنکارا-واشینگتون خطینده ایلک رسمی گؤروشمه ...

تورکیه پرزیدنتی رجب طیب اردوغان، آمریکا‌نین جمهورباشقانلیغی مقامینا 20 ژانواریه‌ده اوتوران یئنی صدری دونالد ترامپ ایله ایلک رسمی گؤروشمه‌سینی گرچکلشدیردی.

ایکی لیدر، 45 دقیقه داوام ائدن بیر تلفون گؤروشمه‌سی رئاللاشدیردی.

آمریکا طرفی‌نین ایستگی ایله ائدیلن گؤروشمه‌ده، تورکیه و آمریکانین هر زامان بیر-بیرلرینه اتفاق باغلاری ایله باغلی دوست و موتتفیق ایکی اؤلکه اولدوق‌لاری وورغولاندی.

پرزیدنت قایناقلاریندان‌ الده ائدیلن معلوماتا گؤره، ایکی لیدر، تروریزمین هر نوعونه قارشی بیرلیکده موباریزه‌یه داوام ائتمه موضوعسون‌داکی قرارلیغلارینی تصدیق ائتدی.

آمریکا پرزیدنتی ترامپ، اؤلکه‌سی‌نین ایستراتژی اورتاغی و ناتو موتتفیقی اولان تورکیه‌یه دستک‌لرینی ایفاده ائده‌رک، داعشه قارشی داوام ائتدیریلن موباریزه‌یه تورکیه‌نین ائتدیگی بوتون فعالیت‌لری ممنونیتله قارشیلادیق‌لارینی ایفاده ائتدی.

ترامپین، جمهورباشقانی اردوغان ایله گؤروشمه‌سینی، خاریجی ایشلر ناظیری رکس تیلرسون ایله رئاللاشدیردیغی توپلانتی‌نین آردین‌دان ائتمه‌سی دقت چکدی.

اصلینده ایکی لیدر داها اوّل ده غیری-رسمی بیر تلفون گؤروشمه‌سی رئاللاشدیرمیشدی.

پرزیدنت اردوغان، دونالد ترامپی، 8 نوامبرداکی پرزیدنت یاریشین‌دان غالیب آیریلماسی سببیله قوتلاماق اوچون تلفون ائتمیشدی.

بو گؤروشمه‌ده، تورکیه و آمریکانین قارشی‌لیق‌لی حؤرمت، مشترک ماراق‌لار و اورتاق دگرلر اساسیندا گؤروشن ایکی موتتفیق اولدوغونا دقتی چکن اردوغان، ایکیطرف‌لی علاقه‌لرین داها دا گوچلندیریله‌جگینی ایناندیغینی ایفاده ائتمیشدی.