ایسرائیل خاریجی ایشلر ناظیرلیگی موشاویری یووال روتم صاباح تورکیه‌یه گله‌جک

ایسرائیل خاریجی ایشلر ناظیرلیگی موشاویری یووال روتم صاباح تورکیه‌یه گله‌جک.

ایسرائیل خاریجی ایشلر ناظیرلیگین‌دن ائدیلن آچیقلامادا، روتمین 2 فوریه‌یه  قدر داوام ائده‌جک سفرینده آنکارا و ایستانبولدا گؤروشمه‌لر اولاجاغی ایفاده ائدیلدی.

آچیقلامادا، روتمین زیارتی‌نین ایکی اؤلکه آراسین‌داکی ایلیشگی‌لرین گوجلندیریلمه‌سی باخیمین‌دان اهمیت داشیدیغی قید ائدیلدی.

ایسرائیلین 31 می 2010-جو ایلده، غزه‌یه اینسانی یاردیم آپاران ماوی مرمره گمی‌سینه مداخیله ائده‌رک 9 تورک وطنداشینی اؤلدورمه‌سی و آغیر یارا‌لانان 1 وطنداشین دا سونرا‌دان اؤلمه‌سی، ایکی اؤلکه ایلیشگی‌لری‌نین بحرانا گیرمه‌سینه سبب اولموشدو. ایلیشگی‌لر، ایسرائیلین عذر دیلمه‌سی، قوربان‌لارین عائله‌لرینه اؤدنه‌جک تضمیناتی تورکیه‌یه چاتدیرماسی و غزه‌یه اینسانی یاردیم‌لارین باشلادیلماسییلا نورماللاشما پروسه‌سینه گیرمیشدی. سون اولا‌راق طرف‌لرین سفیرلری قارشی‌لیق‌لی اولا‌راق وظیفه‌یه باشلامیشدی.