جمهور باشقانی اردوغان یارغیدا بیرلیک درنهگینین تدبیرینده دانیشدی
جمهور باشقانی رجب طیب اردوغان "اؤلکهمیزه، میللتیمیزه و شخصیمه قورولان تله لری گؤرمکده بعضی زامانلاردا گئج قالدیغیمیزی گؤرورم" دئیهرک اعترافچی کیمی اورتایا چیخانلارین دوز دانیشمادیقلارینی بیلدیردی.
جمهور باشقانی رجب طیب اردوغان "اؤلکهمیزه، میللتیمیزه و شخصیمه قورولان تله لری گؤرمکده بعضی زامانلاردا گئج قالدیغیمیزی گؤرورم" دئیهرک اعترافچی کیمی اورتایا چیخانلارین دوز دانیشمادیقلارینی بیلدیردی.
جمهور باشقانی دئدی کی، اعتراف ائدهجکلرینی سؤیلهییب، اورتایا چیخیرلار، اما بونلار دوز دانیشمیرلار. بونلار اینسانلاری آلدادیر. ان تهلوکهلی اویون ائله بونون اؤزودور.
جمهور باشقانی جمهور باشقانلیغی ایقامتگاهیندا کئچیریلن یارغیدا بیرلیک درنهگینین تدبیرینده عضولره مراجعت ائدهرک وورغولادی کی، فتح الله چی ترور تشکیلاتی پارالل دؤولت یاپیلانماسی (فتؤ/پ.د.ی) یارغیا وئریلن دستکدن ایستیفاده ائتمیشدیر. تورکیهنین چئوریلیش چیلرله، جونتاچیلارلا، هامیلیک مرکزلری ایله موباریزهسی اوچون یارغییا وئردیگیمیز دستکی بو ترور تشکیلاتی (فتؤ/پ.د.ی) اؤز قولدورلارینا یول آچماق اوچون ایستیفاده ائتدی. بو دوروم سادهجه دؤولته مخصوص ایش یئرلرینده پستلارین توتولماسینا سبب اولمامیش، همین زاماندا چئوریلیش چیلرله، جونتاچیلارلا، هامیلیک ائدن مرکزلرله آپاردیغیمیز موباریزهیه ده جدی ضربه وورموشدور.
اینسانلاری غرضلی فیکیرلرله کاتئقورییه آییرمادیقلارینی وورغولایان جمهورباشقانی قئید ائتدی کی، دؤولتینه، میللتینه، حکومتینه، دئموکراتیک قانونی سیاسی قوروملارا حؤرمت ائدن و یاخود ائله گؤرونن هر کسه قاپیلاری آچیق توتدوق. هئچ کسه و هئچ بیر قروپا نه یارغینی نه ده باشقا قروپو غرضلی فیکیرله اصلا تحویل وئرمه دیک.
فتؤ/پ.د.ی-نین ترور تشکیلاتی پ.کا.کا ایله مشترک ایشله دیگینی بیلدیرن اردوغان "پ.کا.کا ترور تشکیلاتی ایله بونلار اورتاق فعالیت آپاریر. حال-حاضردا پولیس ایدارهمیزده، سلاحلی قوهلریمیزین ایچینده ده بونلارین عضوو اولانلار وار. بونلار ترور تشکیلاتلارینین ایشینی جدی معنادا آسانلاشدیریر، اما بئلهلرینین سایی آزالماقدا داوام ائدیر. بیر مدت سونرا محو اولاجاقلار و یا اؤلکهنی ترک ائدهجکلر."دئیه وورغولادی.
بیر ترور تشکیلاتینین یارغینین اوزرینده کی نفوذونون بیر پروبلئمه ایشاره ائتدیگینی بیلدیرن اردوغان قئید ائتدی کی، بونا گؤره ده اؤلکهدکی قانون وئریجیلیک، ایجرا و یارغی سلاحیت لری آراسینداکی علاقهلرین دئموکراتیک بیر آنلاییشلا یئنیدن تعیین اولونماسی تورکیه اوچون ایتکی دئییل، عکسینه بؤیوک بیر قازانجدیر.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی