اردوغان، پوتین ایله تلفندا دانیشدی
دانیشمادا ایکیلی ایلیشکیلر و سوریه مسئلهسی مذاکیره ائدیلدی
پرزیدنت رجب طیب اردوغان، روسیا دؤولت باشقانی ولادیمیر پوتین ایله تلفندا دانیشدی.
دانیشمادا ایکیلی ایلیشکیلر و سوریه مسئلهسی مذاکیره ائدیلدی.
سوریهده آتیشکسین اؤلکهده یایغینلاشدیریلماسییلا ایلگیلی مسئلهلری دانیشان ایکی لیدئر، پروبلئمه سیاسی چؤزوم تاپما چرچیوهسینده، قازاقیستانین باشکندی آستانادا گئچیریلهجک دانیشیقلار حاقیندا دا فیکیر آلیش وئریشی ائتدی.
پوتین، آستانادا گئچیریلمهسی پلانلاشدیریلان سوریه دانیشیقلارینین حاضیرلیقلارییلا ایلگیلی اولاراق قازاقیستان دؤولت باشقانی نورسلطان نظربایئو ایله ده تلفندا دانیشدی.
کرملیندن وئریلن آچیقلامادا، پوتین ایله نظربایئو آراسیندا گرچکلشن تلفن دانیشماسیندا ایکیلی ایلیشکیلر ده مذاکیره ائدیلدی.
خاریجی ایشلر باخانی مولود چاووشاوغلو، 4 ژانویهده، آتیشکسه رعایت حالیندا آستانا دانیشیقلارینین 23 ژانویهده باشلایاجاغینی بیلدیرمیشدی.