" آمریکا ترور هؤرگوت‌لرینی مشروعلاشدیرماغی بوراخمالی"
ابراهیم قالین، آمریکا مرکزی قوه‌لر قوموتانلیغینین تویترده، پ.ی.د/ی.پ.گ‌نین بؤلوجو ترور هؤرگوتو پ‌کاکا ایله باغلانتی‌سی‌نین اولمادیغینی ادعا ائدن آچیقلاماسینا تپکی گؤستردی
جمهورباشقانلیغی سؤزچوسو ابراهیم قالین، آمریکانین ترور هؤرگوت‌لرینی مشروعلاشدیرماغی بوراخماسی لازیم اولدوغونو سؤیله‌دی.
تویتر حسابین‌دان یازان ابراهیم قالین، آمریکا مرکزی قوه‌لر قوموتانلیغینین(سنتکوم) سوسیال مئدیا حسابی تویترده، پ.ی.د/ی.پ.گ‌نین خاین بؤلوجو ترور هؤرگوتو پ‌کاکا ایله باغلانتی‌سی‌نین اولمادیغینی ادعا ائدن آچیقلاماسینا تپکی گؤستردی.
پایلاشیمین، ترور هؤرگوتونو دوردورماق یئرینه مشروعلاشدیردیغینی وورغولایان قالین؛
"بو بیر ظارافات می یوخسا سنتکوم منتیقینی می ایتیردی؟ حقیقتا کیمسه‌نین بونا ایناناجاغینی دوشونورسونوزمو؟ آمریکا، ترور قروپ‌لارینی مشروعلاشدیرمایا چالیشماغی بوراخمالی" ایفاده‌لرینه یئر وئردی.
سنتکوم، دونن سوسیال مئدیا حسابی تویترده، بؤیوک حیصه‌سینی ترور هؤرگوتو پ‌کاکانین سوریه قولو پ.ی.د/ی.پ.گ‌نین اولوشدوردوغو سوریه دموکراتیک گوج‌لری‌نین، "پ‌کاکا ایله ایلیشکی‌میز یوخ" ادعاسینی تویتر حسابین‌دان پایلاشا‌راق پ.ی.دیه دستک وئرمیشدی.
بو پایلاشیمیندا آچیقلامانین ائکران گؤرونتوسونو قویان سنتکوم، آچیقلامانین اوستونه ده؛
"سوریه دموکراتیک گوجلری، پ‌کاکا ایله هر هانسی بیر باغی‌نین یا ایلیشکی‌سی‌نین اولمادیغینی اونایلاییر" ایفاده‌لرینه یئر وئره‌رک پ.ی.دنین سؤزجولوغونو ائتمیشدی.
ایلگیلی‌لی خبرلر
هاکان فیدان، آنتونی بلینکن ایله تلفوندا دانیشیب
الده ائدیلن معلوماتا گؤره، گؤروشده غزه‌ده‌کی سون حادثه‌لر و اوکراینداکی وضعیت موذاکیره ائدیلیب
