باش ناظیر ییلدیریم: " ترور اینسانلیغین اورتاق دردی دیر"
باش ناظیر ترورون اینسانلیغین اورتاق دردی اولدوغونو و ترورلا هئچ نه الده ائدیلهبیلمهیهجگینین باشا دوشولمهسینین واجیبلیگینی بیلدیردی.
باش ناظیر ترورون اینسانلیغین اورتاق دردی اولدوغونو و ترورلا هئچ نه الده ائدیلهبیلمهیهجگینین باشا دوشولمهسینین واجیبلیگینی بیلدیردی.
باش ناظیر بینالی ییلدیریم استانبول-دا اورتاکوی-ده توره دیلن ترور سالدیریسیندان سونرا یارالانانلاری خستهخانادا زیارتیندن سونرا آچیقلاما وئرهرک دئدی کی، یئنی ایلین ایلک ساعت لرینده گوناهیز سیویل اینسانلارا قارشی آلچاقجا بیر سیلاحلی سالدیری حیاتا کئچیریلدی.
بیر تروریست ایچریه گیره ره ک أطرافا راست گله آتیش آچماسی نتیجه سینده تورک و خاریجی اولکه وطنداشی اولماقلا 39 گوناهیز اینسانین حیاتینی ایتیردیگینی 60-ین اوزرینده ده یارالی اولدوغونو بیلدیردی.
ترور بیزی قورخودا، قارداشلیغیمیزی و واحیدلیگیمیزی پوزا بیلمز. ترور اینسانلیغین اورتاق دردیدیر و ترورلا هئچ نه الده ائدیله بیلمهیهجگی باشا دوشولمهلیدیر. تورکیه بیر مدتدیر بؤلگهده هم پ.کا.کا هم فتو ترور تشکیلاتلارینا، هم ده سوریه و عراق-داکی حاکمیت بوشلوغوندان منبعلنن ترورا قارشی موباریزه آپاریر.
"تورکیهنین آپاردیغی موباریزهنین بیر قارشیلیغینین اولاجاغینی بیلیریک، اما ترور قارشیسیندا اصلا باش ایمهیهجییک. بوگون بورادا باش وئرن ترور صاباح دونیانین باشقا اؤلکهسینده اولا بیلر. بونون اوچون هئچ بیر اؤلکه امین-آمانلیق ایچینده دئییلدیر. " بیزده اولماز" دئیه بیلمز. ترورون مقدسی، دینی یوخدور، هر یئرده تؤردیلیر. ترورلا موباریزهده ایکی اوزلولوک اوغور یوخ، ضعیفیلیک گتیرر"-دئیه باش ناظیر بینالی ییلدیریم وورغولادی.
تورکیهنین روسیا ایله سوریه-ده مسئولیت گؤتورهرک اوزون مدتدیر داوام ائدن ساواشی سونا چاتدیرما آددیملارینین بؤلگهده ترورلا موباریزهده جدی نایلیت معناسی داشیدیغینی بیلدیرن باش ناظیر دئدی کی، بوندان سونرا تورکیه و دونیادا بو و بونا اوخشار حادثهلرله قارشیلاشا بیلریک. ترورلا موباریزهمیز گوجلو شکیلده داوام ائدهجکدیر.
باش ناظیر ییلدیریم حادثهده حیاتینی ایتیرنلرین یاخینلارینا باش ساغلیغی، یارالیلارا دا عاجیل شفا دیلهدی.
باش ناظیر بینالی ییلدیریم سالدیرینی حیاتا کئچیرهنین کیملیکی ایله علاقهلی سوال قارشیسیندا ایسه دئدی کی، بونونلا باغلی احتیماللار شکیللنمهیه باشلادی. پولیس و کشفیات کوردیناسیون ایچرینده فعالیتلری داوام ائتدیریر.