آمریکا، پ.ی.د-یه سیلاح وئرمهیه سرعت وئردی
آمریکالی مسئوللارین، سوریهدکی پ.ی.د / پ.ک.ک عضوو تروریستلره سیلاح دئییل تاکتیک یاردیمی ائتدیکلرینی ساوونماسینا قارشی، ساحهدکی نیظامی حرکتلیلیک داوام ائدیر
آمریکا، بؤلوچو ترور تشکیلاتی پ.ک.ک-نین سوریه داوامی پ.ی.د-یه سیلاح وئرمهیه سرعت وئردی.
آمریکالی مسئوللارین، سوریهدکی پ.ی.د / پ.ک.ک عضوو تروریستلره سیلاح دئییل تاکتیک یاردیمی ائتدیکلرینی ساوونماسینا قارشی، ساحهدکی نیظامی حرکتلیلیک داوام ائدیر.
آمریکانین آنکارا سفیری جان باس، جمعه گونو وئردیگی بیر رپورتاژدا، "بیز پ.ی.د-یه بیرباشا دستک وئرمیریک؛ سیلاح، مهمات ساغلامیریق." دئمیشدی.
آنجاق هاسکدکی آنادولو آژانس موخبیرلرینین بیلدیردیگینه گؤره، باسین آچیقلامالاریله عینی گون، آخشام ساعتلرینده، ترور تشکیلاتی پ.ک.ک-نین سوریه داوامی پ.ی.د-نین کونترولونداکی رومیلان هاوا پایگاهینا نیظامی یوک اوچاقلاری ایندی. نیظامی کارگولار بو اوچاقلاردان آمریکا هلیکوپترلرینجه آلیناراق فرقلی بؤلگهلره داشیندی.
سفیر باسین 7 آوریلده، ترور تشکیلاتینا نیظامی یاردیمدا اولمادیقلاری آچیقلامانین درحال صاباحیسی گونو ده، آمریکا هلیکوپترلری رومیلانداکی پ.ی.د / پ.ک.ک عضوو تروریستلره بؤیوک بیر نیظامی سؤوقیات ائتمیشدی.
بؤلگهدکی آنادولو آژآنسی مخبیرلری، سؤوقیاتدا وظیفهلی اولان و آدینین آچیقلانماسینی ایستمهین یئرلی بیر ساکینین، آمریکا گوجلرینین 13 دسامبردا دا تشکیلاتا کؤمک چاتدیردیغینی، سون ایکی هفتهنین ان بؤیوک نیظامی کمکینین ده دونن آخشام ساعتلاریندا رئاللاشدیغینی بیلدیریب.
بونا گؤره، رومیلانا آمریکا یوک اوچاقلارینی ائنرکن، اربیلده یولا چیخان اوستو اؤرتولو اونلارلا تریلی، عراق مرزیندن کئچهرک پ.ی.د / پ.ک.ک بؤلگهسینه چاتدی. آنادولو آژانسینا معلومات وئرن دیگر قایناقلار، تریلیلر بیر قیسمینین سوریهنین قامیشلی شهریندن کئچیشینه شاهیدلیک ائتدیکلرینی سؤیلهدی.
آمریکا، هاسکده قوزئی دوغوداکی رومیلان محلینده، اوکتوبر 2015-جی ایلده، کوبانینین (عین العرب) جنوبونداکی خراب ایسک کندینه ده مارس آییندا، هاوا پایگاهلاری قورموشدو. رومیلان، یوک اوچاقلارینین دا اینئبیلهجگی بؤیوکلوکده ایکن، خراب ایشکی ایسه هلهلیک یالنیز نیظامی هلیکوپترلر ایستیفاده ائده بیلیر.
پرزیدنت رجب طیب اردوغان دا ترور تشکیلاتینا یؤنلیک خاریجی یاردیملار موضوعسوندا، دونن ائتدیگی آچیقلامادا؛
"کوالیسیون گوجلری، داعشه قارشی بوتون موباریزهمیزی سونونا قدر وئرجگیک 'دئییردیلر. حتی بیزی ده داعشه دستک وئرمکله گوناهلاندیریردیلار. ایندی هامیسی اورتادان ایتدی. تام عکسینه ترور تشکیلاتینا، داعش دا داخیل اولماقلا، ی.پ.گ، پ.ی.د بونلارا دستک وئریرلر." ایفادهلرینی ایستیفاده ائتمیشدی.
ایلگیلیلی خبرلر
هاکان فیدان، آنتونی بلینکن ایله تلفوندا دانیشیب
الده ائدیلن معلوماتا گؤره، گؤروشده غزهدهکی سون حادثهلر و اوکراینداکی وضعیت موذاکیره ائدیلیب