چاووش اوغلو ایله کری آراسیندا تلفون دانیشیغی اولدو

تورکیه‌نین خاریجی ایشلر ناظیری مولود چاووش اوغلو روسیانین آنکارا‌داکی ائلچیسینه ائدیلن سوء-قصدین آرخاسیندا فتح الله چی ترور تشکیلاتی فتو-نون اولدوغونو سؤیله‌دی.

روسیا‌داکی گؤروش‌لرینی داوام ائتدیرن چاووش اوغلو آمریکانین خاریجی ایشلر ناظیری جان کری ایله تلفونلا دانیشدی.

قارشی طرفین ایستیی ایله باش توتان تلفون دانیشیغیندا اول کری روس ائلچی آندری کارلوف-ون سوء-قصد نتیجه‌سینده حیاتینی ایتیرمه‌سین‌دن درین کدر دویدوق‌لارینی ایفاده ائتدی.

خاریجی ایشلر ناظیری چاووش اوغلو دا هم تورکیه‌نین هم ده روسیانین یاشانان کدرلی حادثه‌نین آرخاسیندا فتح الله چی ترور تشکیلاتی‌نین (فتو) اولدوغونو بیلدیگینی ایفاده ائتدی و سالدیرقان حاقیندا معلومات وئردی.

دیپلوماتیک منبع‌لردن الده ائدیلن معلوماتا گؤره، گؤروشده همچنین مسکودا کئچیریلن سوریه موضوعلو اوچ طرفلی توپلانتی دا گوندمه گلدی.

چاووش اوغلو ییغینجاغین سونوندا یاییم‌لانان اورتاق آچیقلامادا موذاکیره اولونان اساس موضوع لاری عکس ائتدیردیگینی بیلدیردی.

مولود چاووش اوغلو کری‌-نین سوا‌لی قارشی‌سیندا قیبریس موذاکیره‌لرین‌دکی سون پروسئس حاققیندا دا معلومات  وئردی.