ان چوخ موبایل ایله دانیشان اؤلکه: تورکیه
تورکیه ایلین سون اوچ آییندا آیلیق 436 دقیقه موبایل ایستیفاده مودتی ایله اورتالاما 257 دقیقهلیک موبایل تلفون دانیشیقلاری ایله آوروپادا لیدئرلیگینی داوام ائتدیردی.
تورکیه ایلین سون اوچ آییندا آیلیق 436 دقیقه موبایل ایستیفاده مودتی ایله اورتالاما 257 دقیقهلیک موبایل تلفون دانیشیقلاری ایله آوروپادا لیدئرلیگینی داوام ائتدیردی.
تورکیه بیلگی تکنولوژیلری و ایلهتیشم قورومونون (BTK) معلوماتلارینا گؤره، ایلین سون اوچ آییندا تورکیهده تخمینن 74،5 میلیون موبایل تلفون آبونهسی واردیر.
ثابت و موبایل تلفونلا دانیشیقلارین مدتی ایلین سون اوچ آییندا 64 میلیارد دقیقهنی کئچدی. بونون 62،1 میلیارد دقیقهسینی موبایل تلفون دانیشیقلاری، 2،1 میلیارد دقیقهسینی ایسه ثابت شبکه تلفونلاری ایله آپاریلان دانیشیقلار تشکیل ائدیر.
بعضی آوروپا اؤلکهلری ایله آیلیق موبایل ایستیفاده مدتلری (MoU ) ایله موقاییسهده تورکیهنین ان چوخ موبایل دانیشیق حیاتا کئچیرن اؤلکه اولدوغو معلوم اولدو. تورکیهنین 2015-جی ایلین سون اوچ آییندا 404 دقیقه اولان (MoU ) دیری بو ایلین سون اوچ آییندا 8% آرتیملا 436 دقیقهیه یوکسلدی.
بئله لیکله تورکیه موبایل ایستیفاده مودتی ایله ان یاخین تعقیب چیلری فرانسا، سوئد و نروژ ایله آرانی چوخ آچمیش اولدو. و تورکیه آبونه باشینا آیلیق 156 دقیقهلیک دانیشیق دوشن آلمانیادان 3 دفعه چوخدور.