اردوغان ایله پوتین آراسیندا تلفون دانیشیغی اولدو

سوریه‌ده ایران-ین امرینده کی شیعه میلیس‌لرله بشار اسد اوردوسونون محاصره سینده کی شرقی حلب-ده، آتشکسین یئنی‌دن تامین ائدیلمه‌سی موضوعسوندا، تورکیه موخالیف‌لر، روسیا ایسه رژیم گوج‌لری آدینا ضامن اولا‌جاق ..

پروسئسین پروبلئم‌سیز ایشلمه‌سی حالینده ، سیویل لرین بؤلگه‌دن تخلیه ائدیلمه‌سی نظرده توتولور.

آنکارا حلب-ده کی سیویل لرین بؤلگه‌دن چیخاریلماسی، آتشکسین یئنی‌دن تامین ائدیلمسی و گوونلی دهلیزین یارادیلماسی اوچون دیپلوماسی ساحه سینده دانیشیق‌لاری داوام ائتدیریر.

جینایت‌لر قارشی‌سیندا سس‌سیز قالمایاجاغی" دئین پرزیدنت رجب طیب اردوغان، هم بیرلشمیش میللت‌لر تشکیلاتی،هم ده اولوسلار آراسی توپلومو حرکته کئچمه‌یه چاغیردی.

اردوغان، روسیا دؤولت باشچی‌سی ولادیمیر پوتین ایله آخشام ساعت‌لاریندا تلفوندا حلب مسئله‌سینی بیر داها گؤروشدو.

گؤروشده حلب-ده یاشانان اینسانی درام موذاکیره اولوندو.  

تلفون دانیشیغیندا طرف‌لر حلب-ده سیویل‌لرین و موخالیفت قوه‌لرین گوونلی دهلیزلر واسطه‌سیله تخلیه اولونماسی پروسئسی‌نین تئزلیکله باشلاماسی اوچون بیرگه سعی گؤسترمه‌یه راضیلاشدیلار. 

پرزیدنت اردوغان، پوتین-ه، گوونلی دهلیز آچیلدیق‌دان سونرا موقتی سیغینما و اینسانی یاردیم‌لار موضوعسوندا تورکیه‌نین هر جور تدبیری آلماغا حاضیر اولدوغونو ایفاده ائتدی.

تورک کشفیات قایناق‌لاری، تورکیه و روسیا آراسیندا رئال‌لاشان گؤروش‌لردن سونرا آتشکسین تامین ائدیلدیگینی قئید ائتدیلر.

قایناق‌لار، تورکیه‌نین موخالیف‌لر، روسیانین ایسه رژیم گوج‌لری آدینا ضامن اولدوغونو بیلدیردی.

محاصره ده کی بؤلگه‌دن تخلیه ائدیلنلر حلب-ین جنوب-غربینده یئرلشن و موخالیف‌لرین نظارتینده اولان ادلیب شهرینه کئچمه‌لری گؤزله‌نیلیر.