تورکیهنین دوزومو تۆکهندی
پرزیدنت رجب طیب اردوغان، آنایاسانین 104.جو مادهسیندن ایرهلی گلن صلاحیتینی قوللاناراق ترورلا مباریزهده میلی سفربرلیک اعلان ائتدی
آیلاردیر سوچسوز اینسانلارینی ترورا قوربان وئرن تورکیهنین صبری سونا چاتدی.
پرزیدنت رجب طیب اردوغان، آنایاسانین 104.جو مادهسیندن ایرهلی گلن صلاحیتینی قوللاناراق ترورلا مباریزهده میلی سفربرلیک اعلان ائتدی.
جمهورباشقانلیغی ساراییندا 32.جی مختارلار ییغینجاغیندا دانیشان اردوغان؛
"یؤنتهمی و سؤیلهمی نه اولورسا اولسون، پکاکاسییلا، داعشی ایله، فئتؤسو ایله، د.ح.ک.پ-جسی ایله و بوتون ترور هؤرگوتلرینه قارشی میلی بیر سفربرلیک اعلان ائدیرم' دئدی.
پرزیدنت، گوونلیک گوجلرینه سسلنهرک؛
"ترور هؤرگوتلرینین فعالیتلرینه قارشی دؤولتیمیز ده میللتیمیز ده سیزین یانینیزدادیر، آرخانیزدادیر. صلاحیتلرینیزی سونونا قدر قوللانماقدان اصلا چکینمهیین. بوندان سونرا داغداکی تروریسته ده، شهردکی تروریسته ده، اونلاری دستکلهین هئچ کیمسهیه ده بیر آن بئله دینجلیک یوخ، راحت یوخ" دئدی.
لیبیده، سوریهده، عراقدا اولدوغو کیمی تورکیهنی ده ویرانهیه چئویرمک ایستهینلره اصلا ایجازه وئریلمهیهجگینی وورغولایان پرزیدنت،
"میلتیمیزین بیرلیگینه، برابرلیگینه، قارداشلیغینا قصدائدنین باشینی ازمزسک، بقامیزی تامین ائدهبیلمریک. بایراغیمیزی ائندیرمهیه قالخانین قولونو-قانادینی قیرمازساق شهیدلریمیزدن شرمنده اولاریق. وطنیمیزین تک بیر قاریش تورپاغینا بئله گؤز دیکنین گؤزونو چیخارماق بیزیم ناموس بورجوموزدور" دئیه دانیشدی.
پرزیدنت، 20 جولای 2015 تاریخیندن بو گونه بؤلوجو ترور هؤرگوتو پکاکایا قارشی یورد ایچی و یورد دیشی عملیاتلاردا اؤلو، یارالی، یاخالارما اولاراق هؤرگوتون ایتکیسینین 9 مین 500 نفره چاتدیغینی، 40 مینی آشان گؤزآلتی، 10 مین 500ون اوزرینده ده توتوقلاما اولدوغونو دا قید ائتدی.
ایلگیلیلی خبرلر
هاکان فیدان، آنتونی بلینکن ایله تلفوندا دانیشیب
الده ائدیلن معلوماتا گؤره، گؤروشده غزهدهکی سون حادثهلر و اوکراینداکی وضعیت موذاکیره ائدیلیب
پکاکالی ۱۲ تروریست ضررسیزلشدیریلدی
"بؤلگهده تک بیر تروریست قالمایینجایا قدر سۆرهکلی عملیاتلارا داوام ائدجییک"