بینالی ییلدیریم: تورکیه و روسیا تیجارتده یئرلی پول ایستیفادهسی موضوعسوندا ایشلره باشلادی
ییلدیریم، روس خبر آژانسی ریا نووستییه وئردیگی موصاحیبهده، ایکی اؤلکه ایلیشکیلری و بؤلگهده یاشانان گلیشمهلره یؤنلیک قیمتلندیرمهلر ائتدی
تورکیه باش ناظیر بینالی ییلدیریم، تورکیه و روسیانین ایکیطرفلی تیجارتده یئرلی پول ایستیفادهسی موضوعسوندا ایشلره باشلادیغینی سؤیلهدی.
ییلدیریم، روس خبر آژانسی ریا نووستییه وئردیگی موصاحیبهده، ایکی اؤلکه ایلیشکیلری و بؤلگهده یاشانان گلیشمهلره یؤنلیک قیمتلندیرمهلر ائتدی.
تورکیه و روسیانین تیجارتده یئرلی پول ایستیفاده موضوعسونا توخونان ییلدیریم،
"بو مسئلهنی گؤروشدوک. روس طرفی ده موضوعیلا چوخ ماراقلانیر. مرکزی بانکلاری بونو حیاتا کئچیرمک اوچون ایشلره باشلادی بئله و بونون رئاللاشماسی اوچون بعضی تکنیکی مسئلهلر اوزرینده چالیشیلماسی لازیمدیر. "دئدی.
تورکیه-آوروپا بیرلیگی ایرتیباطلارینا ده توخونان ییلدیریم؛
"تورکیه و آوروپا بیرلیگی ایرتیباط لاری چوخ اسکییه سؤیکنیر. ایلیشکیلری بعضن یاخشی گلیشمه ائدیر، بعضن ده بحرانلار یاشانیر. هر دولتله بونلار مومکون، روسیا ایله ده اولدوغو کیمی. آوروپا بیرلیگینین قبول ائتدیگی قرار چوخ اهمیتلی دئییل. بو وضعیت، یاخین زاماندا روس اسپوتنیک آژانسینا یؤنلیک آلینان قرار ایله عینی. آوروپا بیرلیگی، اسپوتنیکین ائتدیگی خبرلردن ممنون دئییل، بونا گؤره بو آژانسینا محدودلاشدیرماق ایستییر. بیر طرفدن ایفاده آزادلیغیندان بحث ائدیر دیگر طرفدن بونو یالنیز اؤز لئهینه ایستیفاده ائدیر. بو، ایکیلی ایستاندارد سیاستیدیر. "دئدی.
تورکیهنین آوروپا بیرلیگینه عضولوک طلبینی گئری چکمه قراری آلمادیغینی و ائتمیهجگینی ایفاده ائدن باش ناظیر ییلدیریم؛
" آوروپا بیرلیگی، بیزیم اوچون دئییل اؤز گلهجگی اوچون آتدیغی آددیملاری یاخشی دوشونمهسی لازیمدیر. بیرلیگین گلهجگی و امینیتی ایسه تورکیه اولمادان مومکون دئییل. هم روسیانین، هم ده تورکیهنین آوروپا بیرلیگی ایله مختلیف ساحهلرده بیرلشدیگی موضوعلار وار. بونا گؤره قرار آلدیقلاریندا بو قرارلارین هانسی نتیجهلری دوغوراجاغینی یاخشی دوشونمهلری لازیمدیر. "دئیه بیلدیرمیشدیر.
ایلدیریمین گوندمینده سوریهدکی گلیشمهلار ده واردی.
تورکیهنین، سوریه تورپاقلاریندا آخان قانی دایاندیرماق اوچون زحمته داوام ائتمه نیتینده اولدوغونو وورغولایان ایلدیریم، آنجاق رژیمین بو موضوعدا دوروست اولمادیغینی سؤیلهدی.
بینالی ییلدیریم؛
"روسیانین رژیمه قارشی توتومونون داها تأثیرلی اولماسی فایدالی اولا بیلردی آنجاق اورتاق تلاشلاریمیزه داوام ائدیریک. آتشکسی ساغلامامیز و اورادا ضرر گؤرن اینسانلارا کؤمک علی اوزادمامیز لازیمدیر. "ایفادهلرینی ایستیفاده ائتدی.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"