تورکیه و روسیا انرژی ساحهسیندکی اورتاق یاتیریم فوندو قوراجاق
تورکیه باش ناظیر بینالی ییلدیریم، روسیانین باشکندی موسکواداکی گؤروشمهلری ایچینده، دولت باشقانی ولادیمیر پوتین و باش ناظیر دمیتری مدودئو ایله بیر آرایا گلدی
تورکیه و روسیا انرژی ساحهسیندکی بؤیوک پروژهلرله باغلی اورتاق یاتیریم فوندو میدانا گتیرهجک.
تورکیه باش ناظیر بینالی ییلدیریم، روسیانین باشکندی موسکواداکی گؤروشمهلری ایچینده، دولت باشقانی ولادیمیر پوتین و باش ناظیر دمیتری مدودئو ایله بیر آرایا گلدی.
ماساداکی ان ایستی موضوع، سوریهدکی سون وضعیت، خصوصیله حلبدکی اینسانلیق درامی ایدی.
حلبده یاشانان فاجعهنین بیر آن اوّل سونا چاتماسی و بورا اینسانی یاردیم مراجعتی اهمیتلی اولدوغونو وورغولایان ایلدیریم، بونون اوچون روسیا و تورکیه اولاراق تلاش گؤستریلدیگینی و بوندان اؤتورو ده سوریهدکی پروبلمین حلّینه داها یاخین اولدوقلارینی سؤیلهدی.
سوریهده سانکی یووالانان ترور تشکیلاتلاری اولدوغونو وورغولایان دیمیتری مدودئو ده سوریهدکی وضعیتین ثابتلیگه قوووشماسی و نورماللاشماسینین اولاری اوچون اؤنجهلیکلی موضوع اولدوغونو سؤیلهدی.
ایکی اؤلکه آراسیندا انرژیدکی بؤیوک پروژهلرله باغلی آتیلان آددیملار دا مذاکیره ائدیلیب.
بینالی ییلدیریم؛
"نوکلئر انرژی ایله باغلی آککویو پروژهسی بیزیم ایستراتژیک بیر پروژه اولاراق گؤردوگوموز ساحهدیر. بوندان سونراکی هدفیمیز پروژهنین بیر آز دا سرعتلندیرهرک ان آزیندان تورکیهنین یوزونجو قورولوش ایلدؤنوموندن (2023) اؤنجه بیر فازی حیاتا کئچمهسیدیر." دئدی.
اورتاق یاتیریم فوندو میدانا گتیرمهیه قرار وئردیکلرینی ایفاده ائدن دیمیتری مدودئو ده
"مختلیف پروژهلره فینانسمان تامین ائدهجک و اوچونجو اؤلکهلرده ده اورتاق پروژهلر چیخاراجاغی." ایفادهلرینی ایستیفاده ائتدی.
روس طبیعی گازینی تورکیه اوزریندن آوروپایا کؤچورهجک تورک گاز آخینی پروژهسینده ایسه موسکوانین تائید مرحلهسینده اولدوغونو ایفاده ائدن مدودئو؛
"پرزیدنت اردوغان دا ایلگیلی قانونو امضالادی. ان یاخین زاماندا بو راضیلاشما بیزده ده تائید مدتیندن کئچهجک و پروسس تاماملاناجاق. "دئدی.
ایلدیریمین موسکوا گؤروشمهلریندکی سون گؤروشمهسی دولت باشقانی ولادیمیر پوتین ایله اولدو.
ایلدیریم و پوتینین، 1 ساعت 15 دقیقه داوام ائدن گؤروشمهده ایکیطرفلی ایرتیباط لار گئنیش شکیلده اله آلیندی.
بینالی ییلدیریم؛
' اکینچیلیک، توریزم، نقلیات، تیجارت، صنایع کیمی بیر چوخ ساحهده قارشیلیقلی یاتیریملارین گلیشدیریلمهسی آدینا ائدهجگیمیز ایشلر وار. بو یؤنده بوتون تلاشی گؤسترجگیک. ' شکلینده دانیشدی.
باش ناظیر ییلدیریم و پوتینین گؤروشمهسینه باغلی کرملیندن بیر آچیقلاما گلدی.
آچیقلامادا "پوتین، اردوغانین تورک جریانی راضیلاشماسینا دستک وئرمهسینه میننتدار. باش ناظیر ایلدیریمین موسکوا سفری یئنی اوست سویه بیر ذیروهیه اساس تشکیل ائدیر" دئییلدی.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"