تورکیه بؤیوک میللت مجلیسی'ندن آلمانیایا قیناما
جمهوریتچی خالق پارتیسی قروپ باشقان وکیلی اؤزگور اؤزل، عایشه نور باغچه قاپیلینین آلمانیا سفری آلمان پولیسینین پیس رفتارینا معروض قالدیغی و 45 دقیقه توتولدوغونا باغلی خبرلر اولدوغونو خاطیرلاددی
تورکیه بؤیوک میللت مجلیسی'ندن آلمانیایا قیناما ...
تورکیه بؤیوک میللت مجلیسی عمومی قورولونداکی بودجه گؤروشمهلرینده سؤز آلان جمهوریتچی خالق پارتیسی قروپ باشقان وکیلی اؤزگور اؤزل، عایشه نور باغچه قاپیلینین آلمانیا سفری زامانی پاسپورتونون اوغورلانماسی اوزرینه آلمان پولیسینین پیس رفتارینا معروض قالدیغی و 45 دقیقه توتولدوغونا باغلی خبرلر اولدوغونو خاطیرلاددی.
اؤزل؛
"مجلیسین بوتون عضولری، هله هله پرزیدنت دیوانی نمایندهلری بوتون مجلیسی و تورکیهنی تمثیل ائدیر. زورلا توتوخلانلمالارینی و بیر میللت وکیلینین دیشاریدا گؤرمهسی گرکن دیپلوماتیک نزاکتدن محروم بوراخیلماسینی قبول ائدیله بیلر تاپمیریق." دئیه دانیشدی.
تورکیه بؤیوک میلت مجلیسی صدر معاوینی احمد آیدین ده تورکیه بؤیوک میلت مجلیسی باشقان وکیلی عایشه نور باغچهقاپیلینین آلمانیادا هاوا لیمانیندا توتولماسی قبول ائتمهنین مومکون اولمادیغینی ایفاده ائدهرک، "بو رفتاردان اؤتورو آلمان موقعیتلرینی قیناییریق." دئدی.
آیدین؛
"بونو قبول ائتمک مومکون دئییل. هارادا اولورسا اولسون، بیر پارلامنت، هله هله مجلیس باشقان وکیلینه، بیر باشقانلیق دیوانی عضوونه بو جور رفتارلاری ائدیلمهسینی قطعیلیکله شدتله قیناییریق. بوندان سونراکی مدتده ده هم یورد ایچینده هم ده یورد خاریجیندکی میللت وکیللری اولاراق اعتیباریمیزی اورتاق بیر شکیلده قوروماق مجبوریتیندییک. عایشه نور خانیما کئچمیش اولسون دئییریک و رفتاردان اؤتورو ده آلمان موضعلرینی قیناییریق. " ایفادهلرینی ایستیفاده ائتدی
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"