تورک هاوا یول‌لاریندان ائندیریملی اوچوش ایمکانیلاری

تورک هاوا یول‌لاری، بیلت‌لرینی 18 دسامبرا قدر ساتین آلان یولجولارا بالکان‌لار، قفقاز و اوکراین‌ا گئدیش-دؤنوش هر شئی داخیل 99 دو‌لاردان باشلایان قیمت‌لرله اوچوش ایمکانی تامین ائده‌جک.

18  دسامبرا قدر ساتین آلینا‌جاق بیلت‌لر اوچون ترانسفر مرکزی آتاتورک و سابیها گؤکچن هاوالیمانلاریندان‌ بالکان‌لاردا جلوژا 99 دو‌لار، بخارست، کونستانسا، لیوبلیانا، پریشتینا، سارایئوو، تیران، ایسکوپی، زاگرب و دوبرونیک 109 دو‌لار، بلگراد و پودگوریکا'یا 119 دو‌لار، سوفیه‌یه 129 دو‌لار، وارنا و کیشینو-ه 139 دو‌لار؛ قفقازدا ناخچیوان، گنجه و تیفلیسه 129 دو‌لار، باتوما 149 دو‌لار، باکی‌یا 179 دو‌لار؛ اوکراین‌دا زاپوریژیایا 119 دو‌لار، لویو-ه 139 دو‌لار، خرسون و اودئسایا 159 دو‌لار، کیئوه 169 دو‌لاردان باشلایان قیمت‌لره گئدیش-دؤنوش هر شئی داخیل سیاحت ایمکانی تقدیم ائدیلیر.

تورکیه جمهوریتی وطنداش‌لاری بالکان‌لارین بلگراد، کیشیناو، پودگوریکا، پریشتینا، سارایئوو، تیران و ایسکوپیه شهرلرینه ویزا؛ قفقازین باتوم و تیفلیس شهرلرینه ایسه پاساپورتا احتیاج دویما‌دان یالنیز هویت کارتی ایله داخیل ائده بیلیر.

محدود سایدا یئر اوچون اعتبارلی اولان ائندیریم‌دن فایدالانماق ایسته‌ین یولجو‌لار، سیاحت‌لرینی 8 دسامبر 2016-31 مارس 2017 تاریخ‌لرینده رئال‌لاش‌دیرا بیله‌جک.