4 -جو اولوسلار آراسی مئدیا تحصیلی پروقرامی اؤز ایشینه باشلادی
ت.ر.ت-نین تشکیل ائتدیگی 4-جو اولوسلار آراسی مئدیا تحصیلی پروقرامی آنتالیانین بلک توریزم بؤلگهسینده اؤز ایشینه باشلادی.
ت.ر.ت-نین باش مودیری شنول گؤکا فتح الله چی ترور تشکیلاتی / پارالل دؤولت یاپیلانماسینین 15 ژوئیهده کی چئوریلیش جهدی گئجهسینده مئدیانین چوخ اهمیتلی بیر رول اوینادیغینی قئید ائدهرک،تورکیه مئدیاسینین مئدیانین نه دئمک اولدوغونو گؤستردیگینی سؤیلهدی.
ت.ر.ت-نین تشکیل ائتدیگی 4-جو اولوسلار آراسی مئدیا تحصیلی پروقرامی آنتالیانین بلک توریزم بؤلگهسینده اؤز ایشینه باشلادی.
پروقرامین ایلک ایجلاسیندا 15 ژوئیه چئوریلیش جهدی گئجهسی تورکیهده باش وئرنلرله باغلی 44 اؤلکهدن گلن مطبوعات نمایندهلرینه معلومات وئرن ت.ر.ت باش مودیری شنول گوکا 15 ژوئیه گئجهسینده وطنی دوشمنه قارشی مدافعه ائتمک اوچون آلینان اوچاقلارین،هلیکوپترلرین، تانکلارین بیر قروپ وطن خاینی تروریست طرفیندن میللته قارشی ایستیفاده ائدیلدیگینی، لاکین میللتین ده بؤیوک بیر جسارت نوماییش ائتدیردیگینی سؤیلهدی.
گؤکا: "وطن و میللت حیسسینه مالیک اینسانلار بوتون بونلاری ائده بیلمز، خالقینا سلاح قالدیرا بیلمز، بو قدر قددار اولا بیلمزلر" دئدی.
چئوریلیش ائتمک ایستهینلرین آسیمیلاسیونا معروض قالمیش آداملار اولدوقلارینی وورغولایان گؤکا بونلارین هر هانسی بیر اؤلکه، مدنیت، دین آیریمی ائتمهدن مقصدلرینی حیاتا کئچیره بیلهجک اینسانلارلا دیالوق قوردوقلارینی و سوندا چئوریلیشه جهد گؤستردیکلرینی دیله گتیردی.
ت.ر.ت باش مودیری: "بونلار زامانلا وطن سیزلشدیریلدی و میللتسیزلشدیریلدی. بونلار بیر یئره عاید اولمادیقلاری اوچون لازیم گلدیگینده دونیاداکی هر کسه قارشی چیخا بیلهجک بیر روحا مالیکدیرلر"ایفادهلرینی ایستیفاده ائتدی.
چئوریلیش جهدینده بوتون میللتین بیر آرایا گلدیگینی، حیاتلاری باهاسینا هلیکوپترلرین، اوچاقلارین قارشیسیندا دایاندیقلارینی بیلدیرن گؤکا چئوریلیش گئجهسینده مئدیانین دا چوخ اهمیتلی بیر رول اوینادیغینی وورغولادی.
چئوریلیش جهدی بیاننامهسی زورلا اوخودولان تیژئن کاراش-دا چیخیش ائدهرک 15 ژوئیه گئجهسینده یاشادیقلاریندان بحث ائتدی.
کاراش او گئجه اؤزونون و یولداشلارینین بؤیوک بیر تراوما یاشادیقلارینی، سون 1-1،5 آیدا پسیکولوژی دستک آلدیغینی بیلدیردی.
15 ژوئیه گئجهسی ت.ر.ت-نین قارشیسینا گلن و یارالانان حسن حسین چاکیر دا یاشادیقلارینی خاریجی ژورنالیستلرله بؤلوشدو.
چاکیر: "حادثهلری تلویزیوندا گؤرونجه فرقلی حیسلر یاشادیم. حیات یولداشیم آنکارادا دئییلدی. اونونلا تلفونلا دانیشدیم و اونا وطنی قورتارماق اوچون الیمدن گلنی ائدجگیمی دئدیم. ائویمه چوخ یاخین مصافهده یئرلشن ت.ر.ت-یه قونشوملا برابر گلدیک. خاینلر بیزه آتیش آچدیلار، اوزاقلاشدیرماغا چالیشدیلار، اما قورخمادیق. سینمدن وورولدوم، الیمه قلپهلر گیردی، بعضی چتینلیکلریم وار، اما وطن ساغ اولسون" دئیه دانیشدی.