بینالی ییلدیریم: باشقانلیق سیستمینی ایچهرن آنایاسا دییشیکلیگی مجلیسه گلهجک
عدالت و قالخینما پارتیسینین گئنیشلدیلمیش ایل باشقانلاری کونفرانسیندا دانیشان ییلدیریم، یئنی آنایاسا و پرزیدنتلیک سیستمی موضوعسوندا دیگر پارتیلرله راضیلاشما آختاریشی داوام ائتدیرهجکلرینی وورغولایاراق، سون اولاراق قراری ایسه میلتین وئرجگینی سؤیلهدی
تورکیه باش ناظیر بینالی ییلدیریم، باشقانلیق سیستمینی ایچهرن آنایاسا دییشیکلیگینین اؤنوموزدکی گونلرده تورکیه بؤیوک میللت مجلیسینه گلهجگینی سؤیلهدی.
عدالت و قالخینما پارتیسینین گئنیشلدیلمیش ایل باشقانلاری کونفرانسیندا دانیشان ییلدیریم، یئنی آنایاسا و پرزیدنتلیک سیستمی موضوعسوندا دیگر پارتیلرله راضیلاشما آختاریشی داوام ائتدیرهجکلرینی وورغولایاراق، سون اولاراق قراری ایسه میلتین وئرجگینی سؤیلهدی.
تورکیهنین یئنی «آیاسا موضوعسوندا آرتیق واخت ایتیرمهسینه دؤزومو اولمادیغینی ایفاده ائدن ایلدیریم، اؤلکهنین موجود آنایاسایلا یولونا داوام ائده بیلمیهجگینی ایفاده ائتدی.
وار اولان سیستمین گتیردیگی پروبلملره دقت چکن باش ناظیر، یئنی آنایاسا لاییحهسینین اؤنوموزدکی گونلرده مجلیسه گلهجگینی سؤیلهدی.
باش ناظیر بینالی ییلدیریم؛
"ایکی ده بیر تیخانان، سیستم سیخینتیلاریلا بحران چیخاران حکومت قورولوشونون دییشمهسینی، ایشلهین، چاره چیخاران بیر سیستمه کئچیلمهسینی میللت ایستییر." دئدی.
باش ناظیر ایلدیریمین گوندمینده ترورلا موباریزه ده وار ایدی.
ترور تشکیلاتلارینین بیر-بیرلریندن فرقی اولمادیغینی وورغولایان ایلدیریم؛
"تشکیلاتین آدینین پ.ک.ک، پ.ی.د، داعش، فتو اولماسی هئچ بیر شئیی دییشدیرمز، دییشدیرمیهجکدیر. بو میلتین بیرلیگینین، دگرلیغینین دینجلیگینین دوشمنی اولان ترورا قارشی هم ایچ هم خاریجده اوپراسیونلاریمیزی قطعیتله داوام ائتدیرجگیک "شکلینده دانیشدی.
ییلدیریم، فتح اللهچی ترور تشکیلاتی (فتو)'نا یؤنلیک ائتدیگی قرارلاردان اؤتورو ایسلام آباد حکومتینه تشککور ائدهرک غرب اؤلکهلرینه پاکیستانی گؤستریدی.
پاکیستان حکومتینین فتویه عایید 23 مکتبده چالیشان معلملرین عایلهلریله 23-نا قدر اؤلکهنی ترک ائتمهسینی ایستدیگینه وورغو ائدن ایلدیریم؛
"قارداش پاکیستانین بیر ترور تشکیلاتی موضوعسونداکی بو صمیمی توتومو باشدا غربلی اولماق عذره دیگر دوست اؤلکهلره ده اؤرنک تشکیل ائدر." ایفادهلرینی ایستیفاده ائتدی.