اردوغان: "تورکیه اونا اینانان هئچ کیمی اوتاندیرمادی"
تورکیه پرزیدنتی رجب طیب اردوغان چیخیشیندا تورکیهنین ان بؤیوک پروبلئمینین اؤزونو دوغرو شکیلده ایفاده ائده بیلمهمهسی اولدوغونو و بونون تورکیهنین مالیک اولدوغو بنزرسیز خصوصیتلردن ایرهلی گلدیگینی بیلدیردی.
تورکیه پرزیدنتی رجب طیب اردوغان چیخیشیندا تورکیهنین ان بؤیوک پروبلئمینین اؤزونو دوغرو شکیلده ایفاده ائده بیلمهمهسی اولدوغونو و بونون تورکیهنین مالیک اولدوغو بنزرسیز خصوصیتلردن ایرهلی گلدیگینی بیلدیردی.
"بونون اصل سببی تورکیهنین صاحیب اولدوغو بنزرسیز خصوصیتلردیر" دئین اردوغان،" بو قدر پروبلئمله بئله بؤیوک بیر اقتصادی گوجون عینی آندا مؤوجود اولدوغو باشقا بیر اؤلکه وارمی، بیلمیرم" دئدی.
"ترور تشکیلاتلاری طرفیندن تؤرهدیلن تررور حادثهلری یالنیز اولدوغو یئرده و آندا تأثیرینی حیس ائتدیریر. دردیمیزی، غضبیمیزی آرتیریر، اما ایشلریمیزه اصلا تأثیر ائتمیر" دئین پرزیدنت: "تورکیه اونا اینانان، سرمایه قویان هئچ کیمی اوتاندیرمادی و اوتاندیرماز. اولوسلار آراسی یاتیریمجیلارلارین اهمیتلی حیصهسی، بو حقیقتی گؤردوکلری اوچون اؤلکهمیزه یاتیردیقلاری سرمایهلری آرتیراراق فعالیتلرینه داوام ائدیرلر. ایش آداملارینا دئییرم کی سرمایهلرینیزی گئجیکدیرمهین، گئجیکسهنیز پئشمان اولارسینیز " دئیه قئید ائتدی.
توزلا- صدف فابریکاسیندا دوزلدیلن 4 گمیدن 2-نین اندونزی، بیرینین غنا، بیرینین ده میانماردا الکتریک انرژیسی اورهتهجک، بو اؤلکهلرین انرژی احتیاجلارینین اؤدنیلمهسینه کؤمک ائده جگینی بیلدیرن اردوغان ایستانبول بوغازینین آلتیندان کئچن آوراسیا تونلینین آچیلیشینین 20 دسامبردا اولاجاغینی سؤیلهدی.
ایکی مرتبهلی تونلده ماشینلارین آرتیق آسیادان آوروپایا، آوروپادان دا آسیایا کئچهجگینی ایفاده ائدن دؤولت باشچیسی دونیانین ان بؤیوک هاوا لیمانینین ایلک مرحلهسینین ده 2018-جی ایلین ایلک 3 آییندا آچیلاجاغینی قئید ائتدی.
اردوغان سرعتلی قاتار خطلری و شهر خستهخانالاری ، 29 استادیوم لاییحهسی، تخمینن 6،5 میلیون بینانین سؤکولوب یئرینه یئنیلرینین اینشاسینی هدفلهین شهرسالما لاییحهلری بارهده دانیشدی.
تورکیهنین باش ناظیری بینالی ییلدیریم دا توزلا-صدف فابریکاداکی مراسیمده چیخیش ائدهرک ترورلا موباریزهنین عزمله داوام ائتدیگینی وورغولادی.
ییلدیریم: "چؤرک یمیزی بؤلوشوروک، اما اؤلکهمیزین بؤلونمهسینه ایمکان وئرمریک" دئدی.
2016 -جی ایلده دنیز یولو ایله داشینان آراج سایینین اهمیتلی درجهده آرتاراق 330 مین اولدوغونو بیلدیرن باش ناظیر: " بو گون تورکیهده گمیلرده 185 مین اینسان ایشلییر. بو باخیمدان دونیانین آپاریجی اؤلکهلریندن ده ایرهلیده اولاراق، چیندن سونرا ایکینجی یئرده یک " دئدی.
چیخیشیندان سونرا تورک یاپیمی اولان اوزن انرژی گمیلری غنا، میانمار و اندونزی-یه یولا سالیندیلار.
300 متر اوزونلوقلاری و 480 مگاوات لیک گوجلری اولان گمیلر دونیانین ان بؤیوک انرژی گمیسی خصوصیتینه مالیکدیرلر.
گلن ایل باشا چاتدیریلماسی پلانلاشدیریلان 14 یئنی انرژی گمیسینین ده اینشاسینا باشلانیلدی.