ایشیک: " سینجاردا پ.ک.ک-نین وارلیغینا ایجازه وئریلمه‌یه‌جک‌"

میللی ساوونما ناظیری فیکری ایشیک عراق-ین آنکارا‌داکی بویوک ائلچی‌سی هشام علی اکبر ابراهیم ال آلاوینی قبولوندا سینجاردا اولان ترور تشکیلاتی پ.ک.ک-نین موجودلوغونا اصلا ایجازه وئریلمه‌یه‌جگینی سؤیله‌دی.

قبولدا تورکیه‌نین عراق-ین بوتؤو‌لوگونه و بیرلیگینه هر زامان اهمیت وئردیگینی وورغولایان ناظیر دئدی کی، تورکیه موصول یاخینلیغین‌داکی بعشیقه دوشرگه‌سینده تعلیم کئچدیگی عنصورلر و اولوسلار آراسی کوالیسیونا تامین ائتدیگی دستک عراق-ین داعش-دن و دیگر ترور تشکیلاتلاریندان‌ خلاص ائدیلمه‌سی مقصدینی داشیییر.

موصول و اطراف‌داکی اراضی‌لرده داعش-ه یؤنلدیلمیش عراق قوه‌لری‌نین حیاتا کئچیردیگی عملیات‌لاردا الده ائدیلن ایرلیلییش‌دن ممنون‌لوغونو دیله گتیرن ناظیر ایشیک بیلدیردی کی، بو عملیات‌لار زامانی خصوصیله موصول و تلعفره خاریجی عنصورلارین موداخیله سیله اورتایا جدی تهلوکه‌لر چیخا بیلر.