محمود عباس آنکارایا گلدی
آنیتکابیری زیارت ائدیب آتاتورکون موزولهسینه چلنگ بوراخاراق حؤرمت دوروشوندا اولان عباس، داها سونرا میثاق میلی قولهسینه کئچهرک، آنیتکابیر اؤزل دفترینه ایمضالادی
فیلیسطین دولت باشقانی محمود عباس، رسمی گؤروشمهلر ائتمک اوچون باشکند آنکارایا گلدی.
آنیتکابیری زیارت ائدیب آتاتورکون موزولهسینه چلنگ بوراخاراق حؤرمت دوروشوندا اولان عباس، داها سونرا میثاق میلی قولهسینه کئچهرک، آنیتکابیر اؤزل دفترینه ایمضالادی.
فیلیسطین دولت باشقانی عباس، دفتره بونلاری قید ائتدی:
"بو اولو اؤلکهنین خالقینا، اسکی و یئنی رهبرلیگینه سایقیلاریمی بیلدیریرم. بو مزموندا، بؤیوک لیدر مصطفی کمال آتاتورکون تورکیه جمهوریتینین قورولوش زمانیندا گؤستردیگی بؤیوک رولو تقدیرله قارشیلاییریق. فیلیسطین خالقینین، اولو اؤندر آتاتورکون روحونا، اردوغانین لیدرلیک ائتدیگی تورکیه رهبرلیگینه و تورک خالقینا سلاملارینی چاتدیریرام. "
فیلیسطین دولت باشقانی محمود عباس داها سونرا تورکیه بؤیوک میلت مجلیسینه کئچهرک، مجلیس باشقانی اسماعیل قهرمان ایله گؤروشدو.
عباس، تورکیه بؤیوک میلت مجلیسی باشقانلیق دیوانی توپلانتی سالونوندا رئاللاشان گؤروشمهده، فیلیسطینین تورک دولتی ایله اولان علاقهسینین تاریخی، جوغرافی اولدوغونو، ایکی اؤلکه علاقهلرینین کئچمیشدکی کیمی گلهجکده ده داوام ائدهجگینی وورغولادی.
عباس،
"بیزیم تورک دولتی ایله اولان علاقهمیز خصوصیله دینی باخیمدان چوخ داها خصوصیت داشیماقدادیر. بو دینی خصوصیت بیزلرین تاریخی، جوغرافی و یوزلرله ایله دایانان باغلیلیغیمیزی، اومیدله، عمللریمیزی داشیماقدادیر." دئدی.
محمود عباس، تورکیهنین فیلیسطینه یؤنلیک چوخ صمیمی دستگینی اونوتمایاجاقلارینی و بو دسگین گلهجهیه ده ایشیق توتاجاغینی ایفاده ائدهرک، تورکیه ایله علاقهلرینین هر باخیمدان گوجلو بیر شکیلده داوام ائتدیگینی، گلهجکده ده داوام ائتمهسینی تمنی ائتدیکلرینی قید ائتدی.
مجلیس باشقانی قهرمان دا فیلیسطین لیدری عباسی مجلیسده گؤرمهنین، اونلار اوچون بؤیوک بختیارلیق اولدوغونو ایفاده ائتدی.
عباس داها سونرا تورکیه بؤیوک میلت مجلیسی صدری قهرمانین یولداشلیغیندا، مجلیسین، فتونون15 ژوئیه کودتا گیریشیمی گئجهسی بومبالانان بؤلوملرینی گزدی.
تورکیه بؤیوک میلت مجلیسی شرف سالونوندا، کؤشهسینه بومبانین آتیلدیغی ایچ باغچایا کئچن عباس، بورا قرهنفیل بوراخدی.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی