کورتولموش: " پ.ک.ک، فتو یادا داعش هامیسی عینی تاوانین بالیغیدیر"
تورکیهنین آنتالیا شهرینده یئرلی تلویزیون کانالینا موصاحیبه وئرن باش ناظیرین معاوینی نومان کورتولموش گوندمی دیرلندیردی.
![کورتولموش: " پ.ک.ک، فتو یادا داعش هامیسی عینی تاوانین بالیغیدیر"](http://cdn.trt.net.tr/images/xlarge/rectangle/1acf/2ffb/edaf/58084545c9326.jpg?time=1718452767)
تورکیهنین باش ناظیرینین معاونی نومان کورتولموش، عیراق-ین موصول شهرینی ترور تشکیلاتی داعش-دن قورتارما عملیاتینا باغلی،"وکالت ساواشلاری بللی بیر نقطهیه دایانمیشدیر، اگر موصول اوزریندن یئنی بیر وکالت ساواشلاری باشلاتما نیتلری وارسا چوخ آچیق دئییرم، بو، اوچونجو دونیا ساواشینین فیتیلینی آتشلر." دئدی.
تورکیهنین آنتالیا شهرینده یئرلی تلویزیون کانالینا موصاحیبه وئرن باش ناظیرین معاوینی نومان کورتولموش گوندمی دیرلندیردی.
تورکیهنین سون درجه چتین بیر جغرافیادا یئر آلدیغینی دئین کورتولموش بیر طرفدن ترور تشکیلاتلاری داعش، پ.ک.ک، و فتو ایله موباریزه آپاردیغینی دیگر طرفدن ده سوریه ایله یاناشی عیراق-دا بؤیوک سیاسی کاوسون دوغوردوغو پروبلئملرله قالدبوغوشماق مجبوریتینده قالدیغینی قئید ائتدی.
عیراق-ین موصول، سوریهنین حلب و دمشق شهرلرینین گلجیی تورکیهنی ماراقلاندیردیغی دئین کورتولموش ایکی شهرین خالق لارینین تمامیله دوست، قارداش و قوهوم اولدوغونو ایفاده ائتدی..
موصول شهرینین ایکی ایلدیر ترور تشکیلاتی داعش-ین ایشغالی آلتیندا اولدوغونو خاطیرلادان کورتولموش عیراق رهبرلیگینه ترور تشکیلاتی داعش-ه تک بیر گولله بئله آتمادان موصول شهرینی تسلیم ائتمهلری، اولوسلار آراسی توپلوما ایکی ایلدیر هارادا اولدوقلارینین سوروشولماسینین لازیم اولدوغونو قئید ائتدی.
تورکیهنین باشیکا کامپینداکی حربی وارلیغینین تصادفی بیر وضعیت اولمادیغینی، عیراق رهبرلیگینین دعوتی ایله بؤلگهیه گئدیلدیگینی وورغولایان کوتولموش مقصدلرینین بولگه اینسانینی ترور تشکیلاتی داعش-ه قارشی ائیتمک اولدوغونو وورغولادی.
تورکیهنین باشیکاداکی وارلیغینین " بیری لری ایستیر" دئیه سونا چاتاجاق بیر وارلیق اولمادیغی بیلدیرن کورتولموش، موصول-و ترور تشکیلاتی داعش-دن قورتارماق ایشینین هاشدی شابی یا دا پ.ی.ی کیمی ترور تشکیلاتلارینا بوراخیلمامالیدیر، تورکیهنین ایسه بونا ایجازه وئرمه سینین ده سوز قونوسو اولا بیلمهیهجگینی ایفاده ائتدی.
تورکییهنین موصول، دمشق و حلب-ین مؤوجود ایستاتوسونون قورونماسینی ایستدیگینی بیلدیرن نومان کورتولموش تورکیه سلاحلی قوهلرینین آوقوستون 24-ده باشلادیغی فرات قالخانی عملیاتی چرچیوهسینده تمیزلنن سوریهنین جرابلس بؤلگهسینه 45 مین اینسانین گئری قاییتدیغینی دئدی.
ترور تشکیلاتلارینین تورکیهنین گوونلیگینه یونلیک فعالیتلرینی ده دیرلندیرین نومان کورتولموش،"ترور تشکیلاتلارینین آرخاسینداکی ایرادهنین عینی ایراده اولدوغوندان ذره قدر شوبههمیز یوخدور. پ.ک.ک، فتو یادا داعش هامیسی عینی تاوانین بالیغیدیر." ایفادهلرینی ایشلتدی.
.