"فرات قالخانی" عملیاتی‌نین 33-جو گونونده 7 تروریست اولدورولدو

معلوماتا گؤره، کشفیات و موشاهیده واسطه‌لری ایله یئرلری تثبیت ائدیلن 69 داعش هدفینه 210 دفعه آتش آچیلدی.

تورکیه سلاحلی قوه‌لری‌نین آوقوستون 24-ده باشلادیغی "فرات قالخانی" عملیاتی چرچیوه‌سیده 69 داعش هدفینه فیرتینا توپ لاری ایله 210 دفعه آتش آچیلدی، 7 تروریست محو ائدیلدی.

تورکیه سلاحلی قوه لری‌نین باش قرارگاهی‌ عملیاتین 33-جو گونونه عایید معلوماتیندا موخالیف‌لرین راعینین غربینده کی صندره، قدریش و بحورته و شرقینده‌کی صندی یاشاییش مسکن‌لرینه نظارتی یئنی‌دن اله کئچیردیگی بیلدیریلیر.

معلوماتا گؤره، کشفیات و موشاهیده واسطه‌لری ایله یئرلری تثبیت ائدیلن 69 داعش هدفینه 210 دفعه آتش آچیلیب.

بئله‌لیکله، عملیات چرچیوه‌سینده عمومی لیکده 1289 هدفه 5007 دفعه آتش آچیلیب.

تورکیه‌نین حربی هاوا قوه‌لرینه عاید اوچاقلار طرفیندن تل عطیه و صندیده اولان 2 هدفه 3 بومبا آتیلیب، 2 بینا داغیدیلیب.

کوالیسیون قوه‌لری‌نین حیاتا کئچیردیگی 5 هاوا عملیاتیندا 7 داعش تروریستی محو ائدیلیب، تروریستلرین ایستیفاده ائتدیگی بینا داغیدیلیب.

ترور تشکیلاتی داعش‌دن تمیزلنن بؤلگه‌لرده 26 مینا و 971 الده قایرما بومباسی ضررسیزلشدیریلدی.