اردوغان ژورنالیستلرین سواللارینی جاوابلاندیردی
تورکیهنین دؤولت باشچیسی رجب طیب اردوغان فتح الله چی ترور تشکیلاتی فئتونون قولدورباشیسی فتح الله گولنین آمریکادان اعاده ائدیلمسی اوچون لازیم اولان هر شئیین ائدیلدیگینی بیلدیردی.
تورکیهنین دؤولت باشچیسی رجب طیب اردوغان فتح الله چی ترور تشکیلاتی فئتونون قولدورباشیسی فتح الله گولنین آمریکادان اعاده ائدیلمسی اوچون لازیم اولان هر شئیین ائدیلدیگینی بیلدیردی.
آمریکادان قاییدان دؤولت باشچیسی رجب طیب اردوغان اوچاقدا ژورنالیستلرین سواللارینی جاوابلاندیراراق بیلدیردی کی: "فئتو ایله باغلی بوتون سند و معلوماتلاریمیزی آمریکا ایله بؤلوشدوک، بؤلوشمهیهده داوام ائدیریک".
سوریهدهکی راککا عملیاتینا دا توخونان رجب طیب اردوغان: "آمریکا عملیاتی پ.ی.د ایله حیاتا کئچیرمک ایستهسه تورکیه اولاراق بیز عملیاتدا یئر آلمایاجاغیق. آنجاق بو ایشه پ.ی.د و ی.پ.گ-نی قاتماسالار آمریکا ایله بیرلیکده حرکت ائده بیلریک" دئدی.
سوریهده داعش تروریستلرینین سایینین تخمینن 10 مین اولدوغونو قئید ائدن دؤولت باشچیسی آمریکا ایله تورکیه بیرلیکده حرکت ائتسه بو ایشین بیتهجگینی دئدی.
رجب طیب اردوغان، تهلوکهسیز بولگه ایله علاقه دار دا کوالیسیون قوه لرینین وئرجگی دستکین اهمیتلی اولدوغونو وورغولادی.
"فرات قالخانی" عملیاتینا دا توخونان دؤولت باشچیسی عملیاتین جرابلسدا باشلادیغینی وداعشین جنوبا قاچدیغینی بیلدیررک: "جرابلس تروریستلردن آزاد ائدیلدیکدن سونرا جرابلس ساکینلری ائولرینه گئری قاییتدیلار. ایندی منبیچه ده گئری دونوش باشلاییر. باب دا تروریستلردن آزاد ائدیلهرک صاحیبلرینه گئری قایتاریلاجاق" دئیه وورغولادی.
ایلگیلیلی خبرلر
ایستانبول هاوالیمانی یئنه ایلک سیرادا
آوروپا هاوا سیر و سفر گۆونلیگی تشکیلاتینین ۶-۱۲ می دؤونمینه باغلی آوروپا هاواچیلیق راپورو یاییملاندی