چاووش اوغلو:"فتح الله گولن کیمی تروریستلرین دئموکراتیک جمعیتلرده یئری یوخدور"
تورکیهنین خاریجی ایشلر ناظیری مولود چاووش اوغلو آمریکا بیرلشمیش دوولتلریندن فتح الله چی ترور تشکیلاتینین گولدورباشیسی فتح الله گولنی ان قیسا زاماندا اعاده ائتمهسینی گؤزلهدیکلرینی سؤیلهدی.
تورکیهنین خاریجی ایشلر ناظیری مولود چاووش اوغلو آمریکا بیرلشمیش دوولتلریندن فتح الله چی ترور تشکیلاتینین گولدورباشیسی فتح الله گولنی ان قیسا زاماندا اعاده ائتمهسینی گؤزلهدیکلرینی سؤیلهدی.
"فرانس 24" تلویزیون کانالینا موصاحیبه وئرن چاووش اوغلو، گولنین اعاده ائدیلمسینه دایر بیر سوالا آمریکا داخیل اولماقلا هرکسین گولن و اونا باغلی اولانلارین 15 ژوئیه دؤولت چئوریلیشی جهدینین آرخاسیندا اولدوغونو بیلدیگینی قئید ائدهرک، اعاده ائدیلمسی اوچون بوتون دلیللری آمریکایا گؤندردیکلرینی بیلدیردی.
حقوقی پروسئسین باشلادیغینی ایفاده ائدن مولود چاووش اوغلو: "موتتفیقیمیز آمریکادان بو پروسئسی ان قیسا زاماندا تاماملاماسینی و گولنی اعاده ائتمسینی گؤزلهیریک" دئیه بیلدیردی.
گولنین نه زامان اعاده ائدیلهجگینه دایر بیر سوالی ایسه مولود چاووش اوغلو بئله جاوابلاندیردی: "بونا محکمه قرار وئرهجک. گولن کیمی تروریستلرین دئموکراتیک جمعیتلرده یئری یوخدور".
سوریا مسئلهسینه ده توخونان خاریجی ایشلر ناظیری مولود چاووش اوغلوآمریکانین سوریهده دستک وئردیگی پ.ی.د-نین تروریست قروپ اولدوغونو وورغولایاراق: "پ.ی.د/ی.پ.گ سوریهنین تورپاق بوتؤولوگو اوغروندا موباریزه آپارمیر اؤزلرینه دؤولت قورماغا چالیشیر" دئیه بیلدیردی.
چاووش اوغلو حلبده سپتامبرین 19-دا اینسانی یاردیم کونوویونون بومبالانماسی ایله باغلی اولاراق دا: "رژیم و اونا دستک وئرنلر. باشقا هئچ کیم اوچمور. موخالیفت قووولرینین اوچاقلاری یوخدور. کوالیسیون قوه لری دئییلدی. بونون کیمین ائتدیگینی تاپماق اوچون شفاف سوروشدورما آپاریلمالیدیر" دئیه قئید ائتدی.
ایلگیلیلی خبرلر
پکاکالی ۵ تروریست ضررسیزلشدیریلدی
"ان سون تروریست ضررسیز حالا گتیریلنه قدر عملیاتلاریمیز داوام ائدجک"