تورکیه پرزیدنتی اردوغان، کودتا گیریشیمینه مانع تؤرهدن بو میللتین غازی میللت اولدوغونو سؤیلهدی
اردوغان، تاریخ بویونجا نه قدر ساواشلار، چاتیشمالار یاشایان بو جوغرافیانین ساکینلرینین، ایستیقلالی و گلهجگی اوچون هر دایم اویاق اولان بیر میللتین اؤولادلاری اولدوغونو وورغولادی
تورکیه پرزیدنتی رجب طیب اردوغان، فتح اللهچی ترور تشکیلاتی پارالل دولت یاپیلانماسی (فتو / پ.د.ی)'نین 15 ژوئیهده کودتا گیریشیمینه جانلاری باهاسینا مانع تؤرهدن بو میللتین غازی میللت اولدوغونو سؤیلهدی.
پرزیدنت اردوغان، 19 سپتامبر غازیلر گونو سببیندن یاییملادیغی مساژدا، آنادولو تورپاقلارینین وطن قیلینماسی، میللتین و اؤلکهنین وارلیغینی داوام ائتدیرمهسینی، غازی آنلاییشینین ان مشهور دگرلر آراسیندا یئر ائتدیگینی ایفاده ائتدی.
"مدنیتیمیزین ان گؤرکملی خصوصیتلریندن غازی اینانجی، بیزه 1071ده آنادولو تورپاقلارینی وئردیگی کیمی چاناققالادا، ایستیقلال ساواشیندا اؤلکهمیزین و میللتیمیزین ابدی وار اولاجاغینی دونیایا آچیقجا اعلان ائتمیشدیر." قیمتلندیرمهسینده اولان اردوغان، بو جوغرافیانین روحوندا، اؤلکهنین هر داشی و هر تورپاغیندا، آدلاری سانلاری بیلینمهین میلیونلارلا غازی ارینین، شهیدین و غازینین قانینین اولدوغونا ایشاره ائتدی.
اردوغان، تاریخ بویونجا نه قدر ساواشلار، چاتیشمالار یاشایان بو جوغرافیانین ساکینلرینین، ایستیقلالی و گلهجگی اوچون هر دایم اویاق اولان بیر میللتین اؤولادلاری اولدوغونو وورغولادی.
دونن جبههلردکی دؤیوشلاردا ایستیقلال و گلهجگینه صاحب چیخان میللتین، بو گون ده تورکیهنین حضورونا نظرده توتان ترورلا موباریزنی داوام ائتدیردیگینه دقتی چکن اردوغان، بو ایفادهلری ایستیفاده ائتدی.
"بو عزیز میللتین، 15 ژوئیهده کودتا گیریشیمینه جانلاری باهاسینا مانع تؤرتمهسی، اؤز ایرادهسینه صاحب چیخماسی، غازی شعورونون نه جور اهمیتلی اولدوغونون ان اهمیتلی گؤستریجیسیدیر. بو میللت، غازی میللتدیر. بو وطن، شهیدلرین و غازیلری بیزلره امانتیدیر. بیزلر شهیدلریمیزین، غازیلریمیزی میراثینی لاییقینجه گلهجک نسیللره کؤچورجگی. بو تورپاقلاری وطن ائدن، بو گونلره گتیرن هر بیر شهیده، هر بیر غازییه، آدلاری بیلینمهین بوتون قهرمانلارا میننتدارلیغیمیزی، میننتلریمیزی ایفاده ائدیرم. الله اونلاردان راضی اولسون. بو وسیله ایله جمهوریتیمیزین قوروجوسو غازی مصطفی کمالا ایستیقلال موباریزهسیندکی اؤندرلیگیندن اؤتورو 'موشیر 'و غازی ' عنوانی وئریلیشینین ایل دؤنومونو و غازیلر گونونو ان صمیمی دویغولاریملا تبریک ائدیر، بوتون غازیلریمیزه تشککور و میننتدارلیغیمی بیلدیریرم. "
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.