بینالی ییلدیریم ناتونون باش کاتیبی ایله گوروشدو
باش ناظیر ییلدیریم تورکیهنین لیدرلیگیله باشلانان فرات قالخانی حرکاتی حاقیندا دا گئنیش معلومات وئردی.
تورکیهنین باش ناظیری بینالی ییلدیریم ناتو-نون باش کاتیبی ینس استولتنبرگه فتح الله چی ترور تشکیلاتی پارالل دوولت یاپیلانماسینین (فئتو/پ.د.ی) 15 ژوئیه چئوریلیش جهدی حادثهسینین ایلک گونوندن هم رایلیک گؤستردیگی اوچون تشککورونو بیلدیردی.
ناتو-نون باش کاتیبی ینس استولتنبرگی قبول ائدن ییلدیریم گؤروشده سوریانین شیمالینین ترور عنصرلریندن تمیزلنمهسی اوچون تورکیهنین لیدرلیگیله باشلانان فرات قالخانی حرکاتی حاقیندا گئنیش معلومات وئردی، سونرا ناتو گوندمینی ماراقلاندیران مؤوضولار موذاکیره اولوندو.
یوکسک سویهلی سیاسی دیالوق توپلانتیسی چرچیوهسینده بینالی ییلدیریم داها سونرا خاریجی علاقهلر و تهلوکهسیزلیک سیاستی نمایندهسی فدریکا موگرینی، قونشولوق سیاستی و گئنیشلمه موذاکیرهلری عذره مسئول کمیسری یوحانس هان و نروژ خاریجی ایشلر ناظیری بورگ برندی آیری-آیریلیقدا قبول ائدیب و اونلار دونیادا باش وئرن سون اجتماعی-سیاسی پروسئسلردن دانیشیبلار.