دؤولت باشچی‌سی رجب طیب اردوغان وطنه دوندو

آنکارا ائسئنبوغا هاوا لیمانیندا اردوغان، حیات یولداشی امینه خانیم، باش ناظیر یاردیمچی‌سی مهمت شیمشک، خاریجی ایشلر ناظیری مؤلود چاووش اوغلو، ایقتصسادیات ناظیری نیهات زیبکجی، انرژی و طبیعی قایناق‌لار ناظیری برات آلبایراک و میت مستشاری هاکان فیدانی اؤلکه‌نین داخیلی ایشلر ناظیری سلیمان سویلو، آنکارا والی‌سی مهمت کیلیچ‌لار، آنکارا تهلوکه‌سیزلیک ایداره‌سی مودیری محمود کارااصلان و دیگر صلاحیت‌لی‌لر قارشیلادی.

تورکیه دؤولت باشچی‌سی گ-20 ذیروه توپلانتی‌سی اوچون چین‌دن آیریلما‌دان اول تشکیل ائدیلن مطبوعات کونفرانسیندا چیخیش ائتدی.

رجب طیب اردوغان غرب اؤلکه‌لری‌نین قاچقین مسئله‌سینده توتدوق‌لاری عیرقچی داورانیشین اینسان‌لیق آدینا اوتانج وئریجی اولدوغونو سؤیله‌دی.

سوریه‌ده 2011-جی ایلدن بو گونه‌ده‌ک 600 مین اینسانین اؤلدورولدوگونو دئین پرزیدنت، هله ده قاتیل اسدین وظیفه‌ده قالماسینی مدافعه ائتمه‌ین قبول ائدیلمز اولدوغونو قئید ائتدی.

تورکیه‌نین دؤولت باشچی‌سی رجب طیب اردوغان 11-جی گ20 ایجلاسیندا ایشتیراک ائتمک اوچون گئتدیگی چین‌دن تورکیه‌یه یولا دوشمزدن اول مطبوعات کونفرانسی کئچیردی.

سوریه‌ده تهلوکه‌سیز بولگه یارادیلماسینی بیر نئچه دفعه تکلیف ائتدیگینی بیلدیرن اردوغان، هئچ بیر اؤلکه‌نین بو مسئله‌ده کونکرت بیر آددیم آتمادیغینی، یئنی اؤلکه‌لرین ده ساحه‌یه گلمه‌سی ایله سوریه  بحرانی‌نین داها دهشتلی بیر اؤلچولره چاتدیغینی قئید ائتدی.

تورکیه پرزیدنتی 3 میلیون سوریه‌لی‌نین و عیراق‌لی‌نین اولدوغو تورکیه‌نین مسئله ایله علاقه‌دار قئیری-حکومت تشکیلات‌لاری ایله بیرلیکده 25 میلیارد دول‌لاردان چوخ پول خرجله‌دیگینی دئدی.

تروریزمین ایسه یئنی فورما‌لار الده ائده‌رک بوتون دونیانی تهدید ائتدیگینی ایفاده ائدن اردوغان، تورکیه‌ده 15 ژوئیه‌ده باش وئرن دؤولت چئوریلیشی جهدی‌نین ده، تورکیه سلاح‌لی قوه‌لری‌نین ایچینه سیزمیش بیر قروپون تؤرتدیگی ترورون یئنی بیر فورماسی اولدوغونو وورغولادی.

او گئجه تلویزیون کاناللاریندان‌ مراجعت ائده‌رک میدان‌لارا چاغیردیغی خالقین تروریست‌لرین الینده کی اف-16 و تانک‌لاردان قورخمایا‌راق چاغیریشینا مثبت جاواب وئردیگینی بیلدیرن پرزیدنت، بونون آدی‌نین دئموکراسی موباریزه‌سی اولدوغونو قئید ائتدی.

اردوغان بو تروریستلرین عضو اولدوغو فتح الله چی ترور تشکیلاتی فئتونون 170 اؤلکه‌ده داها فعال اولدوغونو بیل‌دیره‌رک: "بوتون بو اؤلکه‌لره خبردارلیق ائدیرم، حساس اولماغا دعوت ائدیرم. عینی فلاکت سیزین ده باشینیزا گله بیلر" دئدی.

داعش، پ.ک.ک، پ.ی.د، ی.پ.گ-نی فرقلن‌دیرن آنلایشدان اوزاق اولماغی مصلحت گؤرن پرزیدنت:"تروریست‌ین یاخشی‌سی- پیسی اولمور. بون‌لار آراسیندا فرق قویولارسا، بومرانق کیمی قاییدار او اؤلکه‌نی ده وورار" دئدی.

بو تشکیلات‌لارلا موباریزه‌ده تورکیه‌نین قرارلی‌لیغینا ایشاره ائدن اردوغان، سوریه ده آوقوستون 24-ده باشلایان "فرات قالخانی" عملیاتی‌نین هدفی‌نین ده بو اولدوغونو، سوریه‌نین اراضی بوتؤو‌لوگونه بیر موداخیله‌نین ایسه موذاکیره مؤوضوسو اولمادیغینی وورغولادی.

ایجلاس عرضینده قلوبال بؤیومه‌نین داوام‌لی‌لیغی اوچون چالیشیلدیغینی بیلدیرن اردوغان،تورکیه‌نین بو ایجلاسدا اینکیشاف ائتمیش اؤلکه‌لرین اینکیشاف ائتمکده اولان و آز اینکیشاف ائتمیش اؤلکه‌لری ده احاته ائدن بیر اینکیشاف آنلاییشی ایله حرکت ائدیلمه‌سی‌نین ضروری‌لیگینی قئید ائتدیگینی وورغولادی.

تورکییه‌نین قلوبال تیجارت‌دکی آرتیمین مؤحکملندیریلمه‌سی‌نین اهمیتینی ده اؤنه چیخاردیغینی بیلدیرن اردوغان، بو ساحه‌ده‌کی دورغونلوغون اؤنونون آچیلماسی‌نین شرط اولدوغونو دئدی.

تورکیه پرزیدنتی: "نعمت‌لرین بؤیوک حیسه‌سینه مالیک اؤلکه‌لرین نؤوبه پای بؤلگوسونه گلدیکده مسئولیتدن قاچماسی قبول ائدیلمزدیر" دئیه دانیشدی.

اردوغان ایجلاس بویونجا 3-4-5 سپتامبر تاریخ‌لرینده گئرچک‌لشن ایکی طرفلی و هئیتلرآراسی گؤروش‌لری ده خاطیرلادا‌راق، بوتون گؤروش‌لرین مثبت آتموسفرده کئچیریلدیگینی قئید ائتدی.

اردوغان گ-20 ایجلاسیندا عضو اؤلکه‌لرین لیدرلرینه تورکیه تورکجه‌سی و اینگیلیس دیلینده حاضرلانان 360 صحیفه‌لیک معلومات و فوتوشکیل‌لرله زنگین گ-20 آنتالیا ذیروه توپلانتی‌سی کیتابینی هدیه وئردی، فئتو/پ.د.ی و اونلارین تؤرتدیگی 15 ژوئیه چئوریلیش جهدی حاقیندا معلومات بروشورونو تقدیم ائتدی.