اردوغان G20 لیدرلر ذیروهسینده، ولادیمیر پوتین و باراک اوباما ایل گؤروشدو
مطبوعاتا باغلی رئاللاشان گؤروشمهده سیاسی، اقتصادی، و بؤلگهسل بیر چوخ موضوع اله آلیندی
G20 لیدرلر ذیروهسی اوچون چین خالق جمهوریتینین هانگجوو شهرینده اولان تورکیه پرزیدنتی رجب طیب اردوغان، روسیا دولت باشقان ولادیمیر پوتینله 2 ساعات داوام ائدن بیر گؤروشمه ائتدی.
مطبوعاتا باغلی رئاللاشان گؤروشمهده سیاسی، اقتصادی، و بؤلگهسل بیر چوخ موضوع اله آلیندی.
گؤروشمهده همچینین انرژی موضوعلارینداکی امکداشلیق و بو ساحهده آتیلاجاق آددیملار مذاکیره ائدیلدی.
بو گون ده آلمانیا باش ناظیری آنگلا مرکل ایله مطبوعاتا باغلی اولاراق 45 دقیقهلیک گؤروشمه رئاللاشدیران اردوغان، آمریکا پرزیدنتی باراک اوباما ایله ده بیر آرایا گلدی.
45 دقیقه داوام ائدن گؤروشمهده سوریه، فیرات قالخانی حرکاتی، ترور موضوعلاری اله آلیندی.
هیاتلر آراسی رئاللاشدیریلان گؤروشمه اثناسیندا ائدیلن آچیقلامادا اردوغان، فتح اللهچی ترور تشکیلاتی پارالل دولت یاپیلانماسی(فتو / پ.د.ی)'نین15 ژوئیهده کودتا گیریشیمینه قارشی وئردیگی دستک سببیله آمریکا باشقانا تشککور ائتدی.
ترور حرکتلریله کودتا گیریشیمینین آرت آردا گلمهسینین معنالی اولدوغونو ایفاده ائدن اردوغان، فتو چته باشی فتح الله گولنین قایتاریلماسی اوچون، حاقیندا حاضیرلانان سندلرین آمریکایا چاتدیریلدیغینی قید ائتدی.
ایلگیلیلی خبرلر
هاکان فیدان ایله فیصل بن فرحان آراسیندا تلفون دانیشیغی اولوب
هاکان فیدان و فیصل بن فرحان غزه-دهکی سون وضعیتی موذاکیره ائدیبلر.