کالین: " تورکیهنین پروبلئمی ترور پروبلئمیدیر."
دؤولت باشچیسینین سؤزجوسو ابراهیم کالین تورکیهنین نه اؤز اراضی لرینده کی نه ده باشقا اؤلکهلرده کی کوردلرله بیر پروبلئمینین اولمادیغینی بیلدیردی.
دؤولت باشچیسینین سؤزجوسو ابراهیم کالین تورکیهنین نه اؤز اراضی لرینده کی نه ده باشقا اؤلکهلرده کی کوردلرله بیر پروبلئمینین اولمادیغینی بیلدیردی.
کالین مطبوعات کونفرانسیندا ژورنالیستلرین سواللارینا جاواب وئردی. او دئدی کی، تورکیهنین پروبلئمی ترور پروبلئمیدیر. تورکیهنین ترور تشکیلاتی پ.ک.ک ایله پروبلئمی واردیر.
ابراهیم کالین وورغولادی کی، سوریهنین جرابلس بؤلگهسینده "فرات قالخانی" عملیاتی بیر هفتهدیر داوام ائدیر. بونون سوریهلی کوردلره قارشی حیاتا کئچیریلیرمیش کیمی گؤستریلمهسی ایسه قبول ائدیلمزدیر. بئله جهدلری سرت شکیلده قیناییریق.
ترور تشکیلاتی پ.ک.ک-نین سوریهده کی قولو اولان پ.ی.د/ی.پ.گ-نین بیر باشقا ترور تشکیلاتی داعش ایله موباریزه گؤرونتوسو آلتیندا فاکتیکی بیر وضعیت یاراتماغا جهد گؤستردیگینی دئین کالین بیلدیردی کی، بئلهجه ایراندا رئاللاشدیرا بیلمهدیگینی حیاتا کئچیریب، بیر کانتون یاراتماغی هدف گؤتوروب. بئله بیر وضعیت سوریهنین تورپاق بوتؤولوگونو تهلوکه ایله اوزلشدیریر. بو، اؤلکهده کی ائتنیک و مذهب آیریمجیلیغی مسئلهسینه منفی تأثیر ائدر. رسمی واشینگتن بو عنصرلارین فرات چایینین شرقینه چکیلهجگینه دایر تورکیهیه سؤز وئردی. بو سؤزه باخمایاراق نیینکی چکیلیر، حتی جرابلسون سرحدی ایستیقامتینده ایرهلیلشلرینی داوام ائتدیریرلر. بو دا قبول ائدیلمزدیر.
سوریهنین حلب شهرینده کی شدتلی توققوشمالاریندا تورکیهنی ناراحات ائتدیگینی وورغولایان ابراهیم کالین بیلیردی کی، بورادا بیر آتشکس اوچون شخصاً دؤولت باشچیسی رجب طیب اردوغانین تشببوسلری ده اولدو.
ابراهیم کالین بؤلگهنین تهلوکهسیزلیگینی تامین ائدهجک آچار اؤلکهنین تورکیه اولدوغونا دا دقت چکدی .